شارپرێس:
سوپای ئیسرائیل ڕۆژی شەممە ڕایگەیاند كە دوو فەرماندەی باڵای یەكەی موشەكی بزوتنەوەی جیهادی ئیسلامی لە دوو هێرشی ئاسمانیدا لە شاری غەززە كرانە ئامانج و كوژران.
لە بەیاننامەیەكدا، سوپای ئیسرائیل ڕایگەیاندووە، هێرشی یەكەم ئەحمەد مەحمود حەرب ئەلرەملاوی كردووەتە ئامانج، كە فەرماندەی یەكەی موشەكی لیوای شوجاعییەی جیهادی ئیسلامی بووە.
ئاماژەی بەوەشكردووە، هێرشێكی دیكە لە شاری غەززە بووە هۆی كوژرانی مونیر ئیبراهیم ئەلمەسری كە فەرماندەی شانەی موشەكی دژە تانكی بزوتنەوەكە بووە.
بە وتەی سوپای ئیسرائیل، ئەو دوو كەسە لە كاتی شەڕ و لەم دواییانەدا پلانیان دانابوو بۆ هێرشكردنە سەر هێزەكانی ئیسرائیل و خەڵكی سڤیل، هەروەها لە هەوڵەكانی بنیاتنانەوەی توانا سەربازییەكانی بزوتنەوەكەدا بەشدار بوون.