هەڵوێستێكی تری توندی توركیا لەبارەی ریفراندۆمی هەرێم

sharpress.net

بینالی یەڵدۆم سەرۆكی حكومەتی توركیا – نێچیرڤان بارزانی سەرۆكی حكومەتی هەرێم

1307 جار خوێندراوه‌ته‌وه

14/09/2017‌

شارپرێس:
وتەبێژی حكومەتی توركیا رایگەیاند ئەنجامدانی ریفراندۆمی هەرێمی كوردستان باجی دەبێت‌و كاری دروست هەڵوەشاندنەوەیەتی.

بکر بوزداغ وتەبێژی حكومەتی توركیا لەكۆنگرەیەكی رۆژنامەوانیدا لە بارەی هەوڵەكان بۆ رێگریكردن لەئەنجامدانی ریفراندۆمی سەربەخۆیی هەرێم رایگەیاند كاری دروست ئەوەیە ریفراندۆمەكە ئەنجامنەدرێت.

لەبارەی پاشگەزنەبوونەوەی بەرپرسانی هەرێمی كوردستان لەئەنجامدانی ریفراندۆم بوزداغ رایگەیاند ئەگەر "ریفراندۆمەكە هەڵنەوەشێندرێتەوە، بەدڵنیاییەوە ئەوە باجی خۆی دەبێت، بەرانبەری دەبێت‌و دەرەنجامەكانی ریفراندۆمەكە ناسەقامگیری، قەیران‌و پشێوی دەبێت".

ناوبراو هەروەها هۆشداریدا بەوەی ئەنجامدانی ریفراندۆمی هەرێم، مەترسی ئەمنی دیكە روودەدات‌و زۆر كێشەی دیكە سەرهەڵدەدات، كە ئەمڕۆ ناتوانرێت پێشبینی بكرێت.

هەر ئەمڕۆ وەزارەتی دەرەوەی توركیا ڕاگەیەندراوێكی بڵاوكردەوەو رایگەیاند ئەنجامدانی ریفراندۆم بەدڵنیاییەوە كاردانەوەی دەبێت‌و خۆشحاڵی وڵاتەكەشی بەرانبەر بریارەكەی پەرلەمانی عێراق دژی پرۆسەكە نیشاندا.

پەرلەمانی عێراق لەبریارێكدا ریفراندۆمی هەرێمی رەتكردەوە‌و حەیدەر عەبادی راسپارد بۆ گرتنەبەری رێوشوێنی پێویست بۆ پاراستنی یەكێتی خاكی عێراق، كە پرۆسەكە 25 ئەم مانگە بەرێوەدەچێت.

لێدوانەكانی بەرپرسانی توركیا لەگەڵ نزیكبوونەوەی وادەی ئەنجامدانی ریفراندۆم توندتبوونەتەوەو هەڕەشە ئامیزن، لە سەرجەم لێدوانەكاندا ئاماژە بەكاردانەوەی سەربازی دەكرێت، بەڵام باس لە سەرچاوەی كاردانەوەكان نەكراوە.

ئەمە لەكاتێكدایە نەوتی هەرێمی كوردستان لە ڕێگەی توركیاوە هەناردەی دەرەوە دەكرێت، كە سەرەكی ترین سەرچاوەی داهاتی هەرێمە.

ر . ا




بابەتی لێکچوو



ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved