شارپرێس:
جیهان یادی 100 ساڵه‌ی یه‌كه‌م جه‌نگی جیهانیی ده‌كاته‌وه‌، كه‌ جه‌نگه‌كه‌ بووه‌ هۆی گیان له‌ده‌ستدان‌و برینداربوونی چه‌ندین ملیۆن كه‌س له‌جیهاندا.

ئه‌مڕۆ یه‌كشه‌ممه‌ له‌شاری پاریس یادی 100 ساڵه‌ی كۆتایهاتنی جه‌نگی جیهانیی یه‌كه‌م به‌ئاماده‌بوونی سه‌رۆكی چه‌ندین وڵاتی زلهێز كرایه‌وه‌، جه‌نگێك كه‌ كاره‌ساتێكی گه‌وره‌ی به‌دوای خۆیدا هێنا‌و بووه‌ هۆی كوشتنی چه‌ندین ملیۆن كه‌س.

•ساڵی 1916 ئه‌ڵمانیا تۆپخانه‌ی لۆنگ ماكسی دروستكرد كه‌ موشه‌كه‌كانی كێشی 300 كیلۆگرام بوو، هاوكات له‌ 23 ئادار-ی ساڵی 1918 ئه‌و تۆپخانه‌یه‌ی بۆ موشه‌كبارانكردنی پاریس به‌كارهێنا.


•ژماره‌ی ئه‌و موشه‌كانه‌ی له‌ جه‌نگی یه‌كه‌می جیهانیدا به‌كارهێندرا، به‌ 850 ملیۆن موشه‌ك مه‌زه‌نده‌ ده‌كرێت.


•نزیكه‌ی 11 ملیۆن سه‌رباز به‌ موشه‌ك‌و تۆپبارانی وڵاتان دژ به‌یه‌كتری كوژران.


•نزیكه‌ی 56 ملیۆن سه‌رباز له‌ جه‌نگی یه‌كه‌می جیهانیدا له‌ خزمه‌تی سه‌ربازیدا بوون.


•له‌و جه‌نگه‌دا زیاتر له‌ 21 ملیۆن سه‌رباز بریندار بوون.


ڕ . ج