مامەڵەی قەزافی‌و ناتانیاهۆ.. ئەو نهێنییەی بۆ چەند ساڵێك بەشاراوەیی مایەوە

sharpress.net

2230 جار خوێندراوه‌ته‌وه

06/04/2019‌

شارپرێس:
رۆژنامەیەكی ئەمەریكی راپۆرتێكی بڵاوكردووەتەوە، كە تێیدا نهێنیی دوو لایەنی  ئاشكراكردووە، لەكاتێكدا بۆ چەندین ساڵ بەشاراوەیی ماوەتەوە.

بەگوێرەی رۆژنامەی "هاڤینگتۆن پۆست"ی ئەمەریكی لایەنێكیان بریتی بووە لەرژێمی لیبیا بەسەرۆكایەتی موعەممەر قەزافی ، هەرچی لایەنی دووەمە ئەوە بنیامین ناتانیاهۆی سەرۆك وەزیری ئیسرائیلە، كە بەشێوەیەكی ناراستەوخۆ لەڕێگای مامەڵەی دەیان ملیۆن دۆلارییەوە ڕووی ماددییەوە سوودمەند بوون.

بەپێی رۆژنامەكە مامەڵەكە كۆمپانیایەكی ئەمەریكی، كە خاوەنەكەی ناتان میلیكۆفسكی كوڕی مامی بنیامین ناتانیاهۆیە لەنێوان ساڵەكانی ٢٠٠٧ و ٢٠٠٨ لەگەڵ رژێمی ئەوكاتی لیبیا كردوویەتی ، بەوەش پێشێلكاری كردووە بەرانبەر بەو گەمارۆیانەی واشنتۆن خستبوویە سەر ئەو وڵاتە.

راپۆرتەكە ئاماژەی بۆ ئەوە كردووە، كە لەوكاتەدا ناتانیاهۆ پشكی هەبووە لە كۆمپانیای "سیدریفت كوك" كە یەكێكە لە كۆمپانیاكانی كوڕی مامی ، بەجۆرێك ئەو كۆمپانیایە دابینكەری سەرەكی ماددەی خاو بووە بۆ كۆمپانیای " سی . جی . ئەلیكترۆد" كە لەسەردەمی قەززافیدا پارچەی كارەبایی بە لیبیا دەفرۆشت.

راپۆرتەكە سەرنجی بۆ ئەوە راكێشاوە كە بەهۆی ئەوەی كۆمپانیای سیدریفت دابینكەری سەرەكی ماددەی خاو بووە بۆ كۆمپانایایەك كە تۆمەتبارە بەوەی مامەڵەی گوماناوی لەگەڵ رژیمی موعەممەر قەززافی دەكات ، كەواتە دەبێت گریمانەی ئەوە بكەین كە ناتانیاهۆ لەڕێگای ئەو مامەڵانەوە قازانجێكی زۆری كردووە .

لەبەرانبەردا ، میلیكۆفسكی لە وەڵامی راپۆرتەكەدا گوتوویەتی كە ئەوكات ناتانیاهۆ تەنیا وەبەرهێنەرێكی بچووك بوو ، وەهیچ ئاگاداری ئەو جۆرە سات و سەوادایانە نەبوو .

هەروەك قسەكەرێك بەناوی ناتانیاهۆ جەختی لەوە كردۆتەوە كە ئەوكات ناتانیاهۆ تەنیا وەبەرهێنەرێكی بچووك بووە و ئاگاداری ئیدارەدانی كۆمپانیای "سیدریفت"، و چالاكییە بازرگانییەكانی نەبووە .

لە ٢٢ بۆنەی جیاوازیشدا ئیدارەی ئەمەریكی كۆمپانیاكەی بواری ئەلیكترۆنی سەر بە میلیكۆفسكی تۆمەتبار كردووە بەوەی مامەڵەی قاجاغی لەگەڵ لیبیا كردووە كە نرخی هەندێكیان گەیشتۆتە ٦،٨ ملیۆن دۆلار.

ئەو راپۆرتە لەكاتێكدایە كە بەپێی پێگەی ئەلیكترۆنی رۆژنامەی "یەدیعۆت ئەحرانۆت"ی ئیسرائیلی بەم نزیكانە ئەفیخای مەندبیلیت راوێژكاری دادوەری حكوومەتی ئیسرائیلی و شای نیتسان داواكاری گشتیی ئەو وڵاتە فەرمانێك دەردەكەن كەبەپێی ئەو فەرمانە پۆلیس رادەسپێردرێت پشكنین بۆ ئەو گومانە تاوانكارییانە بكات كەلەسەر ناتانیاهۆن و پەیوەستن بەو راپۆرتانەی دراونەتە هەندێ دەزگای چاودێریی لەسەر ئەو پشكانەی ناتانیاهۆ لە نتان میلیۆفسكی كوڕی مامی كڕیونی و دواتر پێیفرۆشتوونەتەوە .

بەپێی ئەو سەرچاوەیە ، " نووسینگەی چاودێریی دەوڵەت" پێیوایە كە ئەو راپۆرتناەی دراونەتە راوێژكاری دادوەیی حكوومەت سەبارەت بە پشكەكانی ناتانیاهۆ  گومانی تاوانكاریی دەوروژێنن ، دەبێت لەسەر ئەو بابەتە ناتانیاهۆ وتەی لێوەربگیرێت .

وەرگێران: ئاكۆ عەبدوڵڵا ئاڵی 





ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved