شارپرێس:
سەرپەرشتیارانی ئەپڵیكەیشنی ئینستگرام هەندێك تایبەتمەندی تازەیان پێشكەش بە بەكارهێنەرانی ئەو ئەپڵیكەیشنە كردووە بەجۆرێك یارمەتیان دەدات پرۆسەی پەیوەندیكردن لەنێوانیاندا زیندووتر بێت .
بەكارهێنانی چیرۆكەكان "stories" بێ دابەزاندنی وێنە یان ڤیدیۆ
ئەو تایبەتمەندییە نوێیە بەجۆرێكە دەتوانرێت سوود لە خەسڵەتی "stories " وەربگیرێت بێ ئەوەی ناچار بێت وێنە، یان ڤیدیۆ دابگرێت ، بەڵكو بەكارهێنەر دەتوانێت نووسینێك بەباكگراوندێكی رەنگاورەنگ بنووسێت و لەشوێنی وێنەكە یان ڤیدیۆكە دایبنێت .
بۆ سوود وەرگرتن لەو تایبەتمەندییە دەبێت ئەم هەنگاوانە بگیرێنە بەر
بچۆ سەر بەشی "your story" لەسەر ڕووی سەرەكی ئەپڵیكەیشنەكە ، دواتر دەست لەسەر بژاردەی "creat" دابگرە تا چەند بژاردەیەك بۆ بەكارهێنەر دەكاتەوە .
نووسینی دەق، لەرێگای ئەم بژاردەوە دەتوانرێت نووسینێك بە باكگراوندی رەنگاورەنگ بنووسرێت .
"ask me a question". یان "پرسیارێكم لێبكە" ئەم بژاردەیە ریگەت پێدەدات پرسیارێكی دیاریكراو لە هاوڕیكانت بكەیت.
"countdown" یان "ژماردنی پێچەوانەیی" ئەم بژاردەیە بۆ وەبیرهێنانەوەی یادەوەرییەكی دیاریكراو بە مێژووی روودانی بەكاردەهێنریت .
بازاڕكردن لەڕێگای ئەپڵیكەیشنەكە
ئەم تایبەتمەندییە دەرفەتی ئەوەت پێدەدات كە هەموو جۆرە شمەك و كاڵایەك بكڕیت و بەشێوەیەكی ئەلیكترۆنیش پارەكەی بدەیت ، بۆ سوود وەرگرتن لەم خەسڵەتە دەبێت ئەم هەنگاوانە بگیریتە بەر :
برۆ سەر بەشی "Explore" و بژاردەی "بازاڕكردن" دابگرە.
دەست لەسەر بژاردەی بازاڕكردن و پارەدان دابگرە " (Shop now with checkout).
ئەو ماركە بازرگانییە یان ئەو بەرهەمەی خواستتە بیكڕیت هەڵبژێرە ، دواتر دەست لەسەر بژاردەی پارەدان لەڕیگای ئینستاگرام دابگرە ،(Checkout on Instagram).
كۆكردنەوەی كۆمەكی خێرخوازی لەرێگای ئینستاگرامەوە
ئەم تایبەتمەندییە ڕێگە بە ریكخراو و دامودەزگا قازانج نەویستەكان دەدات كە سوود لە تایبەتمەندی "stories"بكەن بە دانانی ستیكەری هاندەرانە لەپێناو كۆكردنەوەی كۆمەكی خێرخوازی.
وەرگێران: ئاكۆ عەبدوڵڵا ئاڵی