زاناكان هۆكاری سەرەكی پەرەسەندنی نەخۆشی شێرپەنجە ئاشكرادەكەن

تەندروستی

26/05/2019‌ 3312 جار خوێندراوه‌ته‌وه

شارپرێس:
كۆمەڵێك زانا و پیتۆڵی ئەمەریكایی  توانیویانەوە ئەو هۆكارە سەرەكییە دیاری بكەن، كە دەبێتە هۆی گەشەندنی شێرپەنجە و گەیشتنی بە قۆناغێكی ترسناك و پێشكەوتوو.

بەپێی ئەوەی پێگەی  "livescience" بڵاویكردووەتەوە ئەو زانا و پیتۆڵانە دەڵێن هۆكاری سەرەكی گەشەسەندنی شێرپەنجە بریتییە لە بەدخۆراكی " سیستەمێكی ناتەندرووستی خۆراكی ".

بەجۆرێك زاناكان لێكۆڵینەوەیان لەسەر دوو توێژینەوەی پێشووتر كردووە كە لەسەر  خووی خواردن و گەشەی شێرپەنجە لەلای ئەمەریكییەكان كرابوون ، ئەویش بەپشتبەستن بە كۆمپیویتەری زۆر پێشكەوتوو .

لێكۆڵینەوەكە داتا و زانیاری نزیكەی ٨٠ هەزار كەسی تووشبووی شێرپەنجەی لەخۆ گرتووە ، كە ٥% ی ئەو حاڵەتانە هۆكاری پەرەسەندنی نەخۆشییەكە بۆ خراپی سیستەمی خواردنیان بووە  ، ئەوە لەكاتێكدا تەنیا ٦% یان هۆكارەكەی خواردنەوەی كحوول بووە .

كورت و پوخت ، زاناكان گوتوویانە كەمی خواردنی دانەوێلە و میوە و سەوزە و بەرهەمەكانی سپیایی ، هەروەك زیاتر پشتبەستن بە خواردنی گۆشت یەكێكە لە هۆكارە سەرەكییەكانی گەشەسەندنی شێرپەنجە .

وەرگێران: ئاكۆ عەبدوڵڵا ئاڵی