خێزانی پادشای سعودییه‌ له‌لیستی پێنج خێزانه‌ ده‌وڵه‌مه‌نده‌كه‌ی جیهاندایه‌

sharpress.net

648 جار خوێندراوه‌ته‌وه

11/08/2019‌

شارپرێس:
لیستی ده‌وڵه‌مه‌ندترین خێزانه‌كانی جیهان بڵاوكرایه‌وه‌، له‌پله‌ی چواره‌می لیسته‌كه‌شدا خێزانی پادشای سعودییه‌ ده‌بیندرێت.

ئاژانسی بلومبێرگ لیستی پێنج خێزانه‌ ده‌وڵه‌مه‌نده‌كه‌ی جیهانی بڵاوكرده‌وه‌، كه‌ له‌پله‌ی یه‌كه‌مدا خێزانی واڵتۆنی ئه‌مریكییه‌ و به‌خاوه‌ندارێتیكردنی كۆمپانیای والمه‌رت سامانه‌كه‌یان 191 ملیار دۆلاره‌.

له‌پله‌ی دووه‌مدا خێزانی مارس ده‌بیندرێت كه‌ خاوه‌نی كۆمپانیای شۆكۆلاته‌ی مارس-ن و سامانه‌كه‌یان 127 ملیار دۆلاره‌.

خێزانی كوك پله‌ی سێیه‌می ڕیزبه‌ندییه‌كه‌یان گرتووه‌ كه‌ سامانه‌كه‌یان 125 ملیار دۆلاره‌.

هه‌رچی پله‌ی چواره‌مه‌ بۆ خێزانی پادشای سعودییه‌یه‌ كه‌ سامانه‌كه‌یان 100 ملیار دۆلاره‌، به‌ڵام وه‌ك بلومبێرگ ده‌ڵێت، سامانه‌كه‌یان له‌وه‌ زۆرتره‌.

هه‌ردوو برا فه‌ره‌نسییه‌كه‌ ئالین و جێرار ورتیمه‌ر له‌ پله‌ی پێنجه‌می ده‌وڵه‌مه‌ندترین خێزانه‌كانی جیهاندان كه‌ سامانه‌كه‌یان 57 ملیار دۆلاره‌.

ڕ. ج





ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved