شەرێكی نابەرانبەر..350 هەزار سەربازو 4000 تانكی توركی بۆ 65 شەڕكەری كورد

کوردستان

24/08/2019‌ 2982 جار خوێندراوه‌ته‌وه

شارپرێس:
لەوانەیە "سلیمان سۆیڵۆ"ی وەزیری ناوخۆی توركیا بیری نەمابێت كاتێك لەدیسەمبەری 2018 وتی: تەنیا 700 گەریلای پارتی كرێكارانی كوردستان پەكەكە‌ ماون، كە پێشترو لە ساڵی 2015  نزیكەی 10 هەزار كەس‌ بوون.

لەوانەیەشە ئەوەشی بیر نەمابێت، كە لە یۆنیۆی 2019 واتە پێش كەمتر لە 2 مانگ وتی: گوایە ئەو گەریلایانەی پارتی كریكارانی كوردستان، كە توركیا بیلایەنی كردوون ژمارەیان 112 گەریلایە.

سەیر ئەوەیە چۆن وەزیری بەرگری توركیا ڕۆژی 5 شەممەی ڕابردوو (22 ی ئۆگستۆسی 2019) دەتوانێت رابیگەیەنێت، هێزە سەربازییەكانی وڵاتەكەی توانیویانە 635 گەریلا بێلایەن بكەن بە هۆی ئەو كردە سەربازییانەی، كە زۆرینەیان لە هەرێمی كوردستان ئەنجامدراون، لە كاتێكدا سەرچاوە توركییە فەرمییەكان دەڵێن: هیچ كردەیە‌كی بێلایەنیكردنی تازە ڕوویان نەداوە.

سۆیڵۆ لەوتەیەكیدا لە كۆبوونەوەیەكی ئەمنی لە شاری ئەنقەرە، كە ئاژانسی هەواڵی ئەنادۆڵی توركی فەرمی قسەكانی گواستووەتەوە دەڵێت: لە سەرەتای ئەمساڵەوە و لە 80570 كردەی سەربازیدا، توانیویانە 635 گەریلای پەكەكە بیلایەن بكەن.

بە گوێرەی چەند چەند زانیارییەكی ئاژانسی هەواڵی ئەڵمانیا، تا كۆتایی ساڵ 2018، لە كۆی 700 گەریلا، تەنیا 65 گەریلای پەكەكە ماونەتەوە، كە بە گوێرەی لێدوانە حكومی‌و میدیاییە توركییە فەرمییەكانیش، ژمارەی سەربازانی سوپاس توركی 350 هەزار كەسە، خاوەن 4000 هەزار تانكە، نزیكەی 8000 ئۆتۆمبیلی جەنگی و زیاتر لە 2000 فڕۆكەی شەڕكەری جۆراوجۆریشیان هەیە.

ئەو سەرچاوە توركییانە دەشڵێن: سوپای توركیا لە ڕیزبەندی بەهێزترین سوپاكانی جیهاندا پلەی 9 یەمی گرتووە، سەرباری ئەمانەش كەچی هێشتا ئامێرە میدیاییەكەی توركیا زەرەر و زیانە مرۆییەكانی پارتی كرێكارانی كوردستان لە هەرێمی كوردستان بڵاودەكاتەوە، بەڵام دان بە زەرەر و زیانەكانی خۆیدا نانێت، كە بە گوێرەی چەند سەرچاوەیەكی مافناس، زەرەر و زیانەكانی ئەنقەرە زەبەلاحن.

پرسیارگەلێكی زۆر سەبارەت بە بەیاننامەكانی هەردوو وەزارەتی ناوخۆ و بەرگری توركیا سەبارەت بە ڕاستی و دروستی ئەو زیانانەی پارتی كرێكارانی كوردستان سەریانهەڵداوە، كە پێدەچێت زێدەڕەووییان تێدا بێت و هیچ لایەنێكی بێلایەنیش ئەو زیانانەی پەكەكەی پشتڕاست نەكردووەتەوە.

30  ساڵە ئەنقەرە شەڕ لەگەڵ پارتی كرێكارانی كوردستان دەكات لە ناوخۆ و دەرەوەی توركیادا، زۆر جاریش ڕایگەیاندووە، "پەكەكە بەرەو كۆتاییە ئەمەش ئەم قەوانەیە، كە حكومەتەكانی توركیا لە هەشتاكانش سەدەی ڕابردووە و لێیدەداتەوە.

فریدریكە جیردینك، ژنە نووسەری توركی بۆ بەسەرسامییەوە بۆ پێگەی ئەحوال توركیا وتی: ساڵانێكی زۆرە دەوڵەتی توركیا دەڵیت ژمارەیەكی كەمی جەنگاوەری پەكەكە ماون، ئەگەر ئەمە ڕاستە ، ئەی چۆن پارتی كرێكارانی كوردستان لە ساڵی 2015 دا خاوەنی 10 هەزار جەنگاوەر بووە؟ ئەی ئەگەر چەند سەد جەنگاوەرێكیش ماون، بۆچی سوپای توركیا نەیتوانییوە لە پەناگە شاخاوییەكایناندا بەسەریاندا زاڵ بێت؟ 

سەرچاوە:  ئەحوال توركیا
وەرگێران: لوقمان حاجی قادر