چی لەپشت لێدوانە توندەكانی ئیمانوێل ماكرۆنەوەیە؟

sharpress.net

1563 جار خوێندراوه‌ته‌وه

30/08/2019‌

شارپرێس:
بەو ناونیشانەی سەرەوە، تیموفی بورداچیف، لە گۆڤاری (ئیزفستیا) راپۆرتێكی نووسیوە، دەربارەی بەرزەفڕی روونی سەرۆكی فەرەنسا بۆ ئەوەی پێگەیەكی دیاری لە سیاسەتی جیهانیدا هەبێت، بەڵام؟

بەپێی راپۆرتەكە، فەرەنسا بە بڕوا بەخۆبوونەوە پێگەی پێشەوایەتی فیكری و سیاسی ئەوروپای داگیركردووە، سەرۆكەكەشی ئیمانویل ماكرۆن بەردەوامە لە لێدوانەكانی و بووەتە جێگای سەرەنجی چاودێرە نێودەوڵەتییەكان.

لە لێدوانێكی نوێدا، ماكرۆن لە وتاری ساڵانەی بۆ باڵیۆزەكانی كۆماری فەرەنسا لە دەرەوە رایگەیاند، هەژموونی رۆژئاوا لە كاروباری جیهانیدا كۆتایی پێ دێت، هۆكارەكەشی دەگەڕێتەوە بۆ گۆڕانە جیۆسیاسییە جیهانییەكان، بە نمرە یەكیش هەژموونی چین و روسیا زیاد دەكات، ئەوان سیاسەتێك پەیڕەو دەكەن، كە سەر دانانوێنێ بۆ زاڵبوونەكانی رۆژئاوا.

دەكرێت چی لە بەیاننامە نوێیەكەی ماكرۆن بەلای روسیاوە بخوێنینەوە؟
یەكەم: هەستپێكردنی رابەری وڵاتی ئەوروپی پێشڕەو هەست بە نزیكبزونەوەی لە كۆتاییەكەی مانای ئەوە نییە واز لە خەبات بهێنێ لە پێناو ئەم هەژموزنەدا، لە رووی مێژووییەوە وڵاتە ئەوروپییەكان و لە پشتییانەوە ئەمریكا توانیان خۆشگوزەرانی بەدیبهێنن بە هۆی قۆستنەوەی تواناكانی لە سەپاندنی رێسای یاریكردن لەسەر حسابی ئەوانی تر.

دووەم: ئەمە گرنگترینییانە، بەیاننامە شۆڕشگێڕییەكەی ماكرۆن تا سنوورێكی زۆر، پاساوێكی نوێیە بۆ تێگەیشتنی ئەوەی لە روسیا دەستیپێكردوزە، كە ئەو جیهانە كۆتایی هات بەدەوری ئەمریكا و ئەوروپادا دەسوڕێتەوە و بەردەوام بوونی ژیان تێیدا مانای نقوم بوونە لە شتی ناڕاستی مەترسیدار و ناتوانرێ گرنگترین هۆكارەكانی پەرەسەندنی ستراتیجی پشت گوێ بخرێت.

روسیا، وڵاتێكی ئەوروپییە بە رۆح و مێژوو و بازرگانییە دەرەكییەكەی، لەگەڵ ئەوەی كەوتووەتە سەر سێ زەریا، بەهەر دۆخێك بێت، ئەوروپا تا ئێستا هاوبەشێكی گرنگی روسیایە لە جیهاندا، هاوریەتی لەگەڵ وڵاتی چین پێویستە بۆ بەدەستهێنانی ئاسایش و گەشەی جیهانی، لەگەڵ ئەوەشدا، هەرەشە ڕاستەوخۆكان وەك لە مێژوودا بەردەوام وابووە، بە دیاریكراوی لە ئاراستەی ئەوروپای رۆژئاواوە دێت. 

لەبەر ئەوە، بۆچزونی ئەوروپییەكان و توناكانیان لە جیهانی نوێدا بابەتێكی گرنگە بەتایبەتی بەلای روسیاوە.

سەرچاوە: RT.Arabic
وەرگێڕان: حلمی رەسول رەزا






ads

زۆرترین خوێندراوە

  • ڕۆژ
  • هەفتە
  • مانگ
ads
ads

ads
ads
Developed by Avesta Group and powered by Microsoft Azure

Copyright © 2015 Shar Press. all rights reserved