شارپرێس:
ئەنجامدانی هێرش بۆسەر بنکەی دیێگۆ گارسیا لەزەریای هیندی کە چوار ههزار کیلۆمەتر لەئێرانەوە دورە، تەنها هێرشێکی سەربازی نییە، بەڵکو ڕاگەیاندنی فەرمیی باڵادەستیی موشەکیی نوێیە، لەکاتێکدا تاران پێشتر مەودای موشەکەکانی بەدوو ههزار کیلۆمەتر سنوردارکردبوو، ئەم هێرشە ئەو تیۆرییانەی هەڵوەشاندەوە.
شکاندنی قەڵغانی دوریی
سهرچاوهكان باس لهوهدهكهن، گەیشتن بەقوڵایی زەریای هیندی واتای ئەوەیە کە ئێران خاوەنی موشەکی مەودا ناوەندە (IRBM)، ئەمەش نەک تەنها بنکە نزیکەکان، بەڵکو تەواوی باشوری ئەوروپاو ناوچە ستراتیژییە دورەکانیش دەخاتە ژێر مەترسییەوە.
پەیام بۆ واشنتۆنو لەندەن
بنکەی دیێگۆ گارسیا پەناگەی پارێزراوی فڕۆکە زەبەلاحەکانی ئەمریکایه، بەئامانجگرتنی تەنانەت ئەگەر تێکبشکێنرێت یان لەئامانج نەدات، ئەو پەیامە دەدات کە هیچ شوێنێک پارێزراو نییە.
تاران بەئەنقەست تواناکانی بەنادیاری هێشتوەتەوە، ئەمەش وایکردوە پلانە بەرگرییەکانی ئەمریکاو بەریتانیا ئاڵۆزبن، چونکە ئێستا ناچارن سیستەمی بەرگریی گرانبەهای وەک SM-3 بۆ ناوچەگەلێک بگوازنەوە کە پێشتر بەهێمنو دور لەمەترسی دەبینران.
گۆڕینی نەخشەی مەترسییەکان
سهرچاوهكان باسیان لهوهكردوه، ئەم هێرشە دەیسەلمێنێت کە ئێران توانایەکی موشەکیی ڕانەگەیەندراوی هەیە، ئەمەش هێزە جیهانییەکان دەخاتە بەردەم هەڵسەنگاندنێکی نوێ؛ چونکە مەترسییەکە ئیتر هەرێمی نییە، بەڵکو ڕەهەندێکی نێودەوڵەتی وەرگرتوە.
ئێران لەڕێگەی ئەو هێرشەوە، نەخشەی مەترسییەکانی دوبارە کێشایەوە، ئەگەرچی ئەنجامی فیزیکیی هێرشەکە (پێکانی ئامانجەکە) هێشتا ڕون نییە، بەڵام ئەنجامە سیاسییو سەربازییەکەی گەیشتوەو دهڵێت، "مەودای موشەکیی ئێران هیچ سنورێکی بۆ دانەنراوە".
دیێگۆ گارسیا چوار ههزار كیلۆمهتر لهئێرانهوه دوره!
هێرشی ئێران بەدوو موشەکی بالیستیی بۆ سەر بنکەی (دیێگۆ گارسیا) لەزەریای هیندیدا، کە نزیکەی چوار هەزار کیلۆمەتر لەئێرانەوە دورە، دەنگدانەوەیەکی زۆری دروستکرد، بەتایبەت کە تاران هەمیشە دەڵێت، مەودای موشەکەکانی تەنها تا دوو هەزار کیلۆمەترە.
بهگوێرهى ڕاپۆرتە میدیاییەکان، یەکێک لەموشەکەکان لەئامانجەکەی نەداوەو پێدەچێت ئەوی دیكهیان تێکشکێندرابێت، بەڵام تەنها ئەنجامدانی ئەم هەوڵە نەخشەی مەترسییە هەرێمییو نێودەوڵەتییەکان دەگۆڕێت.
ئەم هەنگاوە ئاماژەیە بۆ ئەوەی کە ڕەنگە ئێران خاوەنی توانای موشەکیی ڕانەگەیەندراو بێت، ئەمەش هێزە جیهانییەکان دەخاتە بەردەم ئەگەرو هەڵسەنگاندنی نوێ بۆ ئاستی هەڕەشەکانی.
ڕاپۆرتێکی ماڵپەڕی "NDTV"ئاماژه بهوهدهكات، پێدەچێت ئێران سیستەمێکی هاوشێوەی موشەکی "IRBM"ی تاقی کردبێتەوە کە دەگاتە قوڵایی زەریای هیندیو ڕەنگە باشوری ئەوروپاش.
تاران لەڕێگەی ئەم تەمومژاوییەوە دەیەوێت کاریگەرییە ستراتیژییەکانی بەهێزبکاتو نەیارەکانی لەدڵەراوکێدا بهێڵێتەوە، ئەمەش پلاندانانی ئەمریکاو بەریتانیا ئاڵۆز دەکاتو فشاریاندەخاتەسەر بۆ دوبارە هەڵسەنگاندنەوەی بەرگرییە موشەکییەکانیان.
ئاژانسی "مێهر"ی ئێرانى جەختیکردوهتهوه، ئەمە دەیسەلمێنێت مەودای موشەکەکانی ئێران لەوە زیاترە کە پێشتر وێنا دەکرا.
پەیامە سیاسییەکە ئەوەیە، هیچ پەناگەیەکی ئەمریکا لەمەترسی دورنییە، ئەمەش واشنتۆنو لەندەن ناچار دەکات سیستەمی بەرگری "SM-3" و ئامرازە سەربازییەکانیان بەرەو باشور بگوازنەوە، هەرچەندە تائێستا ئەنجامی وردی تێکشکاندنی موشەکەکان ڕون نییە.
