5.jpg)
شارپرێس:
جێگری سەرۆك وەزیرانی حكومەتی هەرێمی كوردستان و شاندێكی ئەمریكی هەنگاوەكانی چاكسازی لە وەزارەتی پێشمەرگە و رێكخستنەوەی هێزەكانی پێشمەرگە خرانە
بەگوێرەی راگەیەندراوێكی حكومەت، ئە‌مڕۆ قوباد تاڵەبانی ئە‌نجومە‌نی وەزیران لە‌ھە‌ولێر لەگەڵ شاندێكی سەربازی و دیبلۆماسی ئەمەریكی كە لە گریگۆری كرودە‌ر بە‌رپرسی نوسینگە‌ی ھە‌ماھە‌نگی ئە‌منی لە عێراق و ستیف فەیگن كونسوڵی گشتی ولایە‌تە یەكگرتووەكانی ئە‌مریكا لە ھە‌رێمی كوردستان و وە‌فدێكی یاوە‌ریان پێكھاتبوو، پێشهاتە سیاسی و ئەمنییەكانی كوردستان و عێراقیان خستە بەرباس.
ئاماژە بەوەشدراوە، "لە‌كۆبوونە‌وە‌كە‌دا هەنگاوەكانی چاكسازی لە وەزارەتی كاروباری پێشمەرگە و رێكخستنەوەی هێزەكانی پێشمەرگە خرانە بەرباس، هەروەها رۆڵی هێزەكانی هاوپەیمانان و ولایە‌تە یەكگرتووەكان لە پاڵپشتی كردنی پرۆسەكە جەختی لێ كرایەوەو قوباد تاڵەبانی ستایشی رۆڵی ھێزە‌كانی ئە‌مریكا و ھاوپە‌یمانانی كرد لە‌وبارە‌یە‌وە.
لەبەشێكی دیكەی راگەیەندراوەكە هاتووە، "لەگفتوگۆكاندا هەردوولا هاوڕابوون كە هێشتا پاشماوەكانی داعش و ژێرخانی ئەم رێكخراوە تیرۆریستییە مەترسین لەسەر ئاسایشی هەرێمی كوردستان و عێراق و ناوچەكە، بۆ بەرەنگاربوونەوەی ئەم مەترسییەش هاریكاری پێشمەرگەو هێزە عێراقییەكان و هاوپەیمانان بەكارێكی پێویست درایە قەڵەم و رێوشوێنەكانی تاوتوێ كران.
