شارپرێس:
سەرۆكی ئەنجومەنی وەزیرانی هەرێم بڕیاریدا بەتەرخانكردنی دووملیار دینار بۆ زیانلێكەوتوانی لافاوەكەی دهۆك و زاخۆ.
بەگوێرەی راگەیەندراوێكی حكومەتی،" بە راسپاردە و فەرمانی مەسرور بارزانی سەرۆکی حکومەتی هەرێمی کوردستان، سبەی هەینی 2020/3/20 شاندێکی حکومەتی هەرێمی کوردستان بە سەرۆکایەتی وەزیری ناوخۆ رێبەر ئەحمەد بۆ بەسەرکردنەوەی جێبەجێکردنی رێنمایی و ریکارەکانی رووبەڕووبوونەوەی ڤایرۆرسی کۆرۆنا سەردانی پارێزگای دهۆک دەکات.
هەروەها لە بە بڕیاری سەرۆکی حکومەت ، بڕی دوو ملیار دیناریش وەک یارمەتی بۆ زیانلێکەوتووانی لافاو لە دهۆک و زاخۆ خەرج دەکرێت.
ئەوەش لەكاتێكدایە، پێشتر نێچرڤان بارزانی بڕیاری تەرخانكردنی یەك ملیار دیناری بۆ زیانلێكەوتوان دەركردبوو .