شارپرێس:
برزۆ مەجید ئەندامی خانەی راپەراندنی بزووتنەوەی دەڵێت: ئەم دۆخەی ئێستا كەڵەكەبووی چەند ساڵی رابردووە، كە پارتی و یەكێتی لێی بەرپرسیارن خۆشیان نكۆڵییان لەوە نەكردووە.
برزۆ مەجید لەمیانی گفتوگۆیەكی تەلەفزیۆنی لەگەڵ كەناڵی رووداو دەشڵێت: وەك گۆڕان، دەستیان بە جولەیەكی سیاسی كردووە، چونكە ئەو بارودۆخە بەگشتی لە ناوچەكە و دەوروبەرمان و لە ناو عێراق و هەرێم لەگەڵ عێراق و ئەو دۆخە خراپەش لە ناوخۆی هەرێمی كوردستان دەگوزەرێت، گۆڕانكاری باش نین و مەترسییان تێدایە.
هەروەها دەڵێت: لەو روانگەیەوە جگە لەوەی بزووتنەوەی گۆڕان بزوتنەوەیەكی ئیسڵاحی ریفۆرمخوازە، كاردەكات بۆ عەدالەتی ئیجتیماعی و پرەنسیپەكانی بەدیهێنانی چاكسازی، خەمە نیشتیمانی و نەتەوەییەكان خەمی پێكەوە ژیان، ئەمانە هەمووی خەمی گۆڕان بوون، ئێستاش، كە ئەو مەترسییانە دەبینین بە ئەركی خۆمان زانی سەردانی هێز و لایەنە سیاسییەكان بكەین و قسە لەبارەی چەند پرسێك بكەین وەك دۆخی كۆرۆنا، بژێوی و كاسبی رۆژانەی خەڵك و كەمكردنەوەی موچەی موچەخۆران.
ئەندامەكەی خانەی راپەڕاندن باسی لەوەكردووە، ئەو دۆخەی دەگوزەرێت كەڵەكەبووی چەند ساڵی رابردووە، كە یەكێتی و پارتی لێی بەرپرسیارن خۆشیان نكۆڵیان لەوە نەكردووە، دوو مانگە هەوڵدەدەین موچەی موچەخۆران نەبڕدرێت، ئێستاش كە بڕیارەكە دراوە بەمەرجی ئەوەی یاسای چاكسازی بكەوێتە بواری جێبەجێكردنەوە و بێگومان بەو ریكارەش بەشێك لە پارە دەگەڕێتەوە ، ئەو كورتهێنانەی پێ پڕبكرێتەوە، واتە: بە مەرجی چاكسازی و تەنیا بۆ ئەم مانگە رازی بووین.
لەبارەی ئەو دۆخەی سیاسیەی دەگوزرێت لەگەڵ باسكردن لە بونی مەترسی لەسەر قەوارەی هەرێم، برزۆ مەجید دەلێت، "پارتی و یەكێتی دەبوو هەست بە بەرپرسیارییەتی بكەن، بەڵام دیسان ململانێیەكی خراپ لەنێوانیان دروست بووە وایكردووە جوڵەی بازرگانی نێوان لایەنە سیاسییەكان پەكی بكەوێت، قەوارەی هەرێمی كوردستان بەو شتانە تێكدەچێت كە پارتی و یەكێتی لێی بەرپرسیارن و ئەوانن هێزی نیشتیمانی یەك ناخەنەوە و جولەی سیاسی شاراوە لە پشتی پەردە دەكەن، ئەگەر ئەو دوو حزبە ململانێی تەندروست بكەن و بەرژەوەندی هاوبەشی هەرێم و میلەتەكە پەیڕەو بكەن هەرگیز هەرێمەكەمان ناكەوێتە خەتەرەوە".
باس لەوەشدەكات، ئەگەر حكومەت و سەرۆكایەتی هەرێم و لایەنە سیاسییەكان كاربكەن بۆ چاكسازی و رێكخستنەوەی خاڵە سنورییەكانی و چاكسازی لە مەلەفی نەوت بەغداش ناتوانێت ئەو فشارە بكات، دەشڵێت،" پارتی و یەكێتی لە جیاتی ئەو ململانێ خراپە، باچاكساز بكەن هەم ملیەت پشوو دەدات هەم ناتوانرێت لە دەرەوە فشارمان لەسەر بكرێت".