شارپرێس:
عەبدولفەتاح عەبدولڕەزاق، بریكاری وەزارەتی خوێندنی باڵا و توێژینەوەی زانستیی هەرێمی کوردستان ڕایگه‌یاند، سەرەتای هەفتەی داهاتوو بڕیار لەسەر ئەوە دەدرێت چۆن و كەی دەوامی زانكۆ و پەیمانگاكان بۆ ساڵی نوێی خوێندنی 2021 - 2022 دەستپێدەكاتەوە.
عەبدولفەتاح عەبدولڕەزاق وتیشی، پلانی سێ رۆژ بە سێ رۆژ دەوام بۆ زانكۆ و پەیمانگاكان له‌ئارادا نییه، بەڵام دەڵێت خوێندن بەشێوازی ئەلیكترۆنی ئەگەرێكی نزیكە و باسی له‌وه‌شكرد: "بەبڕوای من دەبێت ئەمساڵ ئاسانكاری لە گواستنەوەی قوتابیان بكرێت، بەو جۆرەی خوێندنەكەیان ببەنە شارەكەی خۆیان، بۆ ئەوەی كەمترین قوتابی لە بەشە ناوخۆییەكاندا بمێننەوە، چونكە ئەمساڵ دۆخەكە جۆرێكی دیكەیە".
به‌وته‌ی بریكاری وه‌زاره‌تی خوێندنی باڵا، "ڕۆژی شه‌ممه ئەنجوومەنی وەزارەتی خوێندنی باڵا بۆ ئەو مەبەستە كۆده‌بێته‌وه و لەو كۆبوونەوەیەدا بڕیار لەسەر چۆنێتی دەستپێكردنی خوێندنی ساڵی 2020بۆ2021 دەدرێت".