محەمەد حاجی مەحمود: ئەگەر رێکەوتن نەکرا پێویستە هەرێم کارتەکانى بەرامبەر بەغدا بەکاربهێنێت

کوردستان

01/03/2021‌ 1026 جار خوێندراوه‌ته‌وه

شارپرێس:

سكرتێری حزبی سۆسیالست دیموكراتی كوردستان رایگەیاند، هەرێم و بەغدا قەت رێكناكەون و لە ئەگەری رێكنەكەوتنیشدا دەبێت هەرێم كارتەكانی بەكاربێنێت بەرامبەر بە بەغدا.

محەمەد حاجی مەحمود، سكرتێری حزبی سۆسیالست دیموكراتی كوردستان بە رۆژنامەنوسانی راگەیاند، دەبێت حكومەتی هەرێم و حكومەتی عێراق بگەن بە رێككەوتن و ئومێددەكەین بگەن بە رێككەوتن، بەڵام پێش رێككەوتن لەگەڵ بەغدا دەبێت هەرێمی كوردستان نێوماڵی خۆی رێكبخاتەوە.

ئاماژەی بەوەشكرد، هەرێم و بەغدا قەت رێكناكەون، ئەو رێككەوتنانەیشی دەكرێت بۆ شەش مانگ و ساڵێك و دوو ساڵە، نە ئەوەی بەغدا دەیانەوێت هەرێم دەیکات نە ئەوەی هەرێمیش دەیڵێت بەغدا دەیکات، دەشڵێت" لەبەرئەوەی ئەوان وەزعیان لە ئێمە خراپترە، بۆیە هەرێم و بەغدا قەت رێكناكەون".

سكرتێری حزبی سۆسیالست باسی لەوەشکرد، لە ئەگەری رێكنەكەوتندا وتی، هەرێم كارتی بە هێزی هەیە بەرامبەر بە بەغدا وەك كشانەوە لە بەغدا بەیەكجاری و گرتنەوەی ئاوی بەنداوەكان و دەركردنی ئەو دوو ملیۆن ئاوارەی لە هەرێمی كوردستان، لەگەڵ دەیان كارتی فشارى دیکە و كارتی ریفراندۆمیش هەیە.

سەبارەت بە بەشداری حزبەكەی لە هەڵبژاردنی پێشوەختەی عێراق دا ناویراو ئەوەى خستەڕوو، ئەگەر هاوپەیمانی هەبێت دەرگایان كراوەیە، ئەگەر هاوپەیمانیش نەبێت خۆیان بە یەك لیست بەشدارى دەکەن.

س.چ