بەناوبانگترین مۆبایلەكانی ئەندرۆید لە ئێستادا كامانەن ؟

هەمەڕەنگ

23/11/2021‌ 248 جار خوێندراوه‌ته‌وه

شارپرێس:

پێگەی gsmarena ی تایبەت بە تەكنەلۆژیا و ئامێرە هۆشمەندەكان لیستی بەناوبانگترین مۆبایلەكانی وەگەڕخەری ئەندرۆیدی راگەیاند.

پێشەنگی ریزبەندییەكە بە مۆبایلی Redmi Note 11 Pro ی كۆمپانیای شاومی دەستپێدەكات كە خاوەنی تایبەتمەندی ناوازەیە و كامێرای (108+8+5+2) مێگاپێكسڵە.

بە پلەی دووەم مۆبایلی  Galaxy A52s ی سامسۆنگ دێت كە تایبەتمەندی ناوازە و نرخی گونجاوی هەیە بە پلەی سێیەمیش مۆبایلی +Redmi Note 11 Pro ی كۆمپانیای شاومی دێت.

پلەی چوارەمی ریزبەندییەكە بۆ مۆبایلی Motorola Moto G200 كۆمپانیای مۆتۆرۆلایە، پلەی پێنجەمی ریزبەندییەكە iPhone 13 Pro Max و Poco M4 Pro لە پلەی شەشەم دێت.

جێگەی باسە لە ریزبەندییەكە مۆبایلەكانی Samsung Galaxy A12 و Poco X3 Pro و Pixel 6 Pro هەن.

رەنج رەسول