جنین بلاسخارت، ئەو ژنەى تەنیا شتێکە لەعێراقدا سیاسەتمەدارەکان و شەقام لەسەرى کۆکن

جیهان

25/05/2022‌ 1339 جار خوێندراوه‌ته‌وه

شارپرێس:

ئەو ژنەتان پێدەناسێنم کە لە چەند ساڵی رابردودا بە گشتی و لە چەند رۆژی رابردودا بە تیابەتتر، زۆرترین قسەو باسی لەبارەوە کراوە، هەم لە نێو شەقام و مەجلیسە کۆمەلایەتیەکان هەم لە نێوەندە میدیایی و رۆشنبیری و ئەکادیمیەکانەوە.

ژنێک کە بوەتە جێی سەرنجی زۆرینەی دانیشتوانی هەرێم و چاوەکان ئێستا لەسەر ئەون، ئاخۆ هەواڵی دڵخۆشکەری پێدەبێت بۆ هەرێم یان وەک هەفتەی رابردو ئاماژە بە مەترسی نوێ دەکات بۆ سەر قەوارەی هەرێم و نیگەرانە لە دابەشبونی هەرێم بەسەر دوو زۆندا...

ئەو بڕیاریداوە و سەرکردەی هێزە سیاسیەکانی بانگهێشتی کۆبونەەیەکی بە پەلە کردوە لەبارەی دۆخی ئێستای هەرێم و مەترسی و ئاڵۆزیاکەنەوەو لە هەمان کاتدا قسەکردن لەسەر هەڵبژاردنی داهاتوی پرلەمانی کوردستان کە لە بانگهیشتنامەکەیدا بە جۆرێک لە جۆرەکان وادەی چەسپاندوەو کردویەتیە دیفاکتۆ بەسەر هێزە سیاسیەکانەوە.

جینین هنیس بلاسخارت..

ژنێک لە لوتکەی کاری سیاسی و دیپلۆماسیدا،
نوێنەری تایبەتی نەتەوەیەکگرتووەکانە لە عیراق خاوەنی ئەزموونێکی سیاسی و دیپلۆماسی دەولەمەندە بۆ ماوەی زیاتر لە ٢٠ ساڵ،
بلاسخارت لە پێگەی پەرلەمانتاری و وەزیری لە وڵاتی خۆی کە هۆڵەندایە کاریکردووە.

 لە ساڵی ٢٠٠٤ تا ٢٠١٠ لە نوێنەرایەتی کۆمیسیۆنی یەکێتی ئەوروپا لە ئەمستردام کاریکردووە لە ٢٠١٠ تا ٢٠١٢ پەرلەمانتار بووە لە وڵاتی هۆڵەندا.
 بلاسخارت وەزیری بەرگری هۆڵەندا بووە لە ٢٠١٢ تا ساڵی ٢٠١٧  کە ئەو ماوەیە هاوکات بوو لەگەڵ  سەرهەڵدان و چالاکیەکانی رێکخراوی تیرۆرستی داعش لەناوچەکەدا.

لە مانگی ئابی ٢٠١٨ وەک نوێنەری نەتەوەیەکگرتووەکان لە عیراق دەستنیشانکراوە، دواتر ئەنتۆنیۆ گۆتێرس ئەمینداری گشتی نەتەوەیەکگرتووەکان وەک نوێنەری تایبەتی خۆی لە عیراق داینا و کارێکی گەورەی پێ سپارد.

بلاسخارت کاتێک وەزیری بەرگری هۆڵەندا بوە بەرپرسی یەکەمی هێزە چەکدارەکان و سەرۆکی ئەرکان و سەرۆکی دەستەی سەربازی پاشاییەتی وڵاتەکەی بووە، سەرپەرشتیاری هێزی سەربازی وڵاتەکەی لە بوارەکانی سنوور و دەریایی و ئاسمانی و زەمینی کردووە کە ئەمە بۆ هەر پێاوێک ئەرکێکی گەورەو گرانە و بۆ ژنێکی سیاسی و سەربازی ئەرکێکی قورستر دەبێت.

 بلاسخارت سەرپەرشتیاری چالاکی هێزکانی وڵاتەکەی کردوە کە دژ بە هەر تاقم و گروپێکی توندرەو جەنگابن بە تایبەت لە عیراق و ئەفغانستان و مالی و هەر شوێنێکی تر لە چوارچیوەی هێزە نێودەوڵەتیەکاندا.

 

 جینین بلاسخارت لە دایک بووی ساڵی ١٩٧٣ یە و هاوسەرەکەی ناوی ئیریکیان هینسە.
 بلاسخارت بە درێژایی تەمەنی دبلۆماسی خۆی هەمیشە رۆڵی کاریگەری هەبووە لە عیراق بەتایبەت لە کاتە هەستیارەکاندا، رۆڵی دیاری هەبووە لە نزیککرەنەوەی لایەنە جیاوازەکان و کەمکردنەوەی مەودای نێوان هێز و پێکهاتەکان.

هەمیشە خۆی و نەتەوە یەکگرتوەکانی بە بە پشتیوانی خەڵکی عێراق زانیوە و لە بەشێک پە خۆپیشاندانەکاندا چوەتە سەر شەقام و لەگەڵ عێراقیەکان دەرکەوتوەو پشتیوانی داوای خۆپیشاندەرانی کردوە.

لەو کاتەدا کە ململانێ مەزهەبی و تائیفیەکان توند بونەوە بلاسخارت ریگەی ماڵی عەلی سیستانی گەورە مەرجەعی شیعەکانی گرتە بەر و هەوڵی هێورکردنەوەی دۆخەکەی دەدا و رۆڵی گیرا لە نێوەندگیری.

بلاسخارت لە ماوەی یەک ساڵی رابردودا دووجار هۆشداری توندی داوە بە بەرپرسانی هەرێم و مەترسی سەر قەوارەی هەرێمی ئاشکرا کردوە، ئێستاش بە توندی هاتۆتە سەر هێڵ و لەدوای پێشکەشکردنی راپۆرتێک لەبارەی خراپی دۆخی هەرێم و نیگەرانی لە بونی دوو زۆنی سیاسی و ئیدارییەوە داوای کۆبونەوەی سەرکردەی هێزە سیاسیەکانی هەرێمی کردوەو دەیەوێت لە کۆبونەوەیەکی داخراودا ئەوەی لە دڵیایەتی بیدرکێنێت.