شارپرێس
بەڕێوەبەری گشتی بەنداوەكانی هەرێم رایگەیاند،
نزیكەی 600 ملیۆن مەتر سێجا ئاو چووەتە بەنداوە گەورەكانی هەرێمی كوردستانەوە.
رەحمان خانی، بەڕێوەبەری گشتی بەنداوەكانی هەرێمی
كوردستان دەڵێت: شەپۆلی بارانبارینی ناوچە جیاجیاكانی هەرێم، كاریگەری زۆر باشی هەبووە
لەسەر بوژاندنەوەی سەرچاوەكانی ئاو.
خانى وتیشی: لە ماوەی هەفتەیەكدا نزیكەی 600 ملیۆن مەتر سێجا ئاو رژاوەتە بەنداوە گەورەكان، لە
هەردوو بەنداوی دەربەندیخان و دهۆك ئاستی ئاو رێژەیەكی كەمی ماوە بۆ پڕبوون.
بەڕێوەبەری گشتی بەنداوەكان ئاماژەى بەوەشکرد، لە بەنداوی
دوكان ئاستی ئاو دوو مەتر و 30 سانتیمەتر لە ئاستی ساڵی رابردوو زیاترە.