شارپرێس: 

دوێنی شەو لە نزیک کوێستانی خنێرە لە قەزای سیدەکانی سەر بە ئیدارەی سەربەخۆی سۆران ، ورچێک  پەلاماری هاوڵاتیەک دەدات و بەشێکی زۆری جەستەی برینداردەکات و  ڕەوانەی نەخۆشخانە دەکرێت.

کاروان فەیسەڵ، بەرپرسی بنکەی تەندروستی سیدەکان، بە شارپرێس راگەیاند، " درەنگانی شەوی رابردوو گەنجێکی بەناوی شوان کەریم تەمەن
 25 ساڵان دانیشتووی ئیدارەی سۆران  لەکوێستانەکانی لۆڵان ، بەهۆی پەلاماردانی ورچێک بریندار دەبێت".


 ئاماژەی بەوەشدا: " چارەسەری سەرەتایی بۆ کراو، ڕەوانەی فریاکەوتنی ئاشتی لە سۆران کرا. " 

 هاوڵاتییەکە بەمەبەستی هێنانی گژوگیای بەهاری ڕووی لە کوێستانەکانی ناوچەکە کردبوو، بەڵام بەهۆی پەلاماری ورچەوە بەشێک لە جەستەی بریندار بووە.