شارپرێس:

سەرۆکی لوبنان گفتوگۆیەکی توندی نێوان خۆی و عەلی لاریجانی ئەمینداری ئەنجومەنی باڵای ئاسایشی نەتەوەیی ئێران دەکات و دەڵێت،" پێموت کە بەرپرسیارێتی شیعەکانی لوبنان لەئەستۆی مندان نەک تۆ ".

جۆزاف عەون، سەرۆکی لوبنان لەچاوپێکەوتنێکی میدیاییدا ئاماژەی بەوەکردوە،" قسەی زۆر توندم بە عەلی لاریجانی وت و پێموت شیعەکانی لوبنان بەرپرسیارێتی منن نەک تۆ، دوای ئەو قسەیە لاریجانی پێیەکانی کەوتە لەرزین و بەتوڕەییەوە کۆشکی سەرۆکایەتی لوبنانی بەجێهێشت، دوایی گەڕایەوە و داوای مۆڵەتی لێکردم، بەڵام پێشوازیم لێ نەکرد ".

لەبارەی چەکدانانی حزبوڵا، جۆزاف عەون وتی، "بە سەبر و وریایی و ژیرانە و هێمنانە کاردەکەین، لە هەستیارییەکان تێدەگەین و زۆر بە وردی مامەڵەیان لەگەڵ دەکەین ".