شارپرێس:
دۆناڵد ترەمپ، سەرۆکی ویلایەتە یەکگرتووەکانی ئەمریکا پەیوەندییەکی لەگەڵ سەرۆکی چین ئەنجامدا.
دۆناڵد ترەمپ، سەرۆکی ویلایەتە یەکگرتووەکانی ئەمریکا ڕۆژی دووشەممە لەبەیاننامەیەکدا ستایشی پەیوەندییە "زۆر بەهێزەکەی" نێوان ئەمریکا و چینی کرد، ئەمەش دوای پەیوەندییەکی تەلەفۆنی لەگەڵ شی جینپینگ هاوتاکەی، بەبێ ئەوەی باس لە پرسی مشتومڕاوی تایوان بکات.
لەبەیاننامەیەکدا ترەمپ پشتڕاستی کردەوە کە لە مانگی نیساندا سەردانی چین دەکات و سەرۆکی چینیش لە کۆتایی ساڵی ٢٠٢٦ سەردانی واشنتۆن دەکات.
ئەوەش بەپێچەوانەی بەیاننامەی فەرمی چینە کە ئاماژەی بەوەدابوو، پرسی تایوان لەگفتوگۆکاندا هەبووە، بەڵام ترەمپ هیچ ئاماژەیەکی بەو بابەتە نەکردووە.
ئ.ح