شارپرێس:
دواى ساڵێك لهڕوخانى ڕژێمى بهعس، یهكهم هێرشى قورس كرایهسهر سهربازانى ئهمریكا لهناوهڕاستى سوریا، ئهمهش لهكاتێكدا ڕویدا حكومهتهكهى شهرع بهفهرمى پهیوهست بوه بههاوپهیمانى نێودهوڵهتى دژى داعش بهسهرۆكایهتى ئهمریكا، زانیارییه میدیاییهكانیش دهڵێن، ئهوانهى هێرشهكهیان ئهنجامداوه هێزى ئهمنی سهر بهحكومهتى سوریان، لهبهرامبهریشدا دۆناڵد ترەمپ سەرۆکی ئەمریکا هەڕەشە دەکاتو دەڵێت، "بەتوندی وەڵامیان دەدەینەوە".
دوێنێ شهممه سهر لهئێوارهكهى، لەشاری تەدمور سەر بەپارێزگای حومس لەناوەڕاستی سوریا، هێرشێكى چەكداریی كرایهسهر هێزێكی هاوبەشی ئەمریكیەكانو سوریا، دوو سەربازی ئەمریكیو وەرگێڕێكو ئەندامێكی هێزەكانی سوریا كوژران، جگە لەبرینداربونی چەند سەربازێكی دیكەی ئەمریكاو هێزە ئەمنیەكان.
وەزارەتی ناوخۆی سوریا ئاماژهى بهوهداوه، هێرشكارەكە، لەكاتی پێكدادان لەگەڵ هێزە ئەمنیەكانو سوپای ئەمریكا كوژراوە، ڕەتیشیدەكاتەوە ئەوكەسەی هێرشەكەی ئەنجامداوە پەیوەندی هەبێت بەهێزە ئەمنیەكانی سوریاوە، بەڵام ڕۆژنامەنوس محەمەد حومسی لەوبارەیەوە دەڵێت، "ئەوكەسەی هێرشەكەی ئەنجامداوە پێشتر كۆبونەوەی لەگەڵ لقی بیابانی سوریای هێزی (221)ی سوپای سوریا هەبوە، لەكاتی بەجێهێشتنی شوێنەكە لەدەرگای سەرەكیی هێرشەكە ئەنجامدراوە، ئەمەش ئاماژەیە بۆ كەموكوڕییو دزەكردنی ئەمنیی بۆ ناو هێزەكانی ئاسایشی ناوخۆی سوریا، یاخود ئاسانكاریی بۆ هێرشەكە كراوە".
هاوكات مونهیل باریش كە ڕۆژنامەنوسێكی سوریە باسى لهوهكردوه، "یەكێك لەئەندامانی هێزەكانی ناوخۆی سوریاو لەدوای تەواوبونی كۆبونەوەی ئەمریكیو سورییەكان، هێرشەكەی ئەنجامداوە".
هێزەكانی سوریای دیموكرات (هەسەدە) ئاماژه بهوهدهكات، ئامادەیی تەواویان هەیە شەڕ بگوێزنەوە بۆ هەر شوێنێك لەچوارچێوەی جوگرافیای سوریادا.
دهشڵێت، "سەركۆنەی توندی هێرشی تیرۆریستی بۆ سەر سەربازانی ئەمریكا دەكەین، هاوبەشی تەواو لەگەڵ هاوپەیمانی نێودەوڵەتی دوپاتدەكەینەوە، ڕێگەنادەین رێكخراوە تیرۆریستییەكان ڕیزەكانیان ڕێكبخەنەوە یان هەڕەشە لەئاسایشی ناوچەكەو جیهان بكەن، وەڵاممان یەكلاكەرەوەو ڕاستەوخۆ دەبێت بەرامبەر بەلایەنە جێبەجێكارەكانو لایەنگرانیان".
هەرچەندە پێش ڕاگەیەندراوی وەزارەتی جەنگی ئەمریكا، داعش بەرپرسیارێتی هێرشەكەی تەدموری لەئەستۆگرت، بەڵام وەزارەتی جەنگی ئەمریكا ڕایگەیاند، "هێرشەكەی تەدمور لەكاتێكدا بوە كە سەربازانی ئەمریكا چاویان بەفەرماندەیەكی سەربازیی گرنگ كەوتوەو بەهۆیەوە دوو سەربازو وەرگێڕێك كوژراونو سێ سەربازیش برینداربون".
ئەو راگەیەندراوەی وەزارەتی جەنگی ئەمریكا، لەگەڵ وتەی دوو ڕۆژنامەنوسە سورییەكە یەكدەگرێتەوە كە دەڵێن "تەقەكەرەكە لەناو هێزە ئەمنیەكاندا بوە".
لاى خۆیشیهوه تۆم باراك نێردەی تایبەتی ئەمریكا بۆ سوریا لەئێكس نوسیویهتى، "بەتوندی سەركۆنەی ئەو بۆسە تیرۆریستیە ترسنۆكانە دەكەم، كە كاروانێكی هاوبەشی ئەمریكاو سوریای لەناوەڕاستی وڵاتەكە كردوهتە ئامانج، سەرەخۆشی قوڵی خۆمان دەردەبڕین بۆ لەدەستدانی سێ ئەندامی هێزە قارەمانەكانی ئەمریكاو مەدەنییەكان".
سەرۆکی ئەمریکاش دەڵێت، "سێ پاڵەوانی نیشتیمانیمان لەهێزەكانمان لەسوریا لەدەستدا، كە بەهۆی بۆسەیەكی چەكدارییەوە كوژران، وەڵامی داعش دەدەینەوە، دڵنیاییش دەدەین لەوەی هەڕەشە بۆسەر هێزەكانمانو هاوپەیمانەكانمان ناگەڕێتەوە".
سوپای نوێی سوریا كە دەیان گروپی چەكداری توندڕەو لەخۆدەگرێت، بەشێوەیەكی ڕوكەش لەژێر ناوی وەزارەتی بەرگریدا كۆكراونەتەوە، بەردەوام بەوە تۆمەتباردەكرێن كە سەدان چەكداری داعشو توندڕەو خۆیان خزاندوەتە ڕیزەكانیەوە، هەروەها بەوەش تۆمەتباردەكرێن، لەماوەی یەك ساڵی ڕابردودا دەستیان هەبوە لەئەنجامدانی چەندین كۆمەڵكوژی تائیفیو مەزهەبی لەناوچەی كەناراوەكانی سوریا كە پێكهاتەی عەلەویەكانی لێنیشتەجێن، لەگەڵ پارێزگای سوەیدا لەباشوری سوریا كە پێگەی پێكهاتەی دروزەكانە.
