شارپرێس:
وەزارەتی کارەبای حکومەتی هەرێم رونکردنەوەیەک لەبارەی کەمبونەوەی
بەرهەمێنانی کارەبا لەهەرێمی کوردستان بڵاودەکاتەوە و دەڵێت، گرفتێکی تەکنیکی لە
کێڵگەی کۆرمۆر دروستبوە.
وەزارەتی کارەبای حکومەتی هەرێم لەڕونکردنەوەیەکدا رایدەگەیەنێت، بەهۆی گرفتێکی تەکنیکییەوە
لە کێڵگەی کۆڕمۆڕ بڕی 250 ملیۆن پێ سێجا گاز کەمیکردوە و بوەتە هۆی کەمبونەوەی بڕی
1000 مێگاوات کارەبا.
ئەوەشیخستەڕوو، هەردوو وەزارەتی کارەبا و وەزارەتی
سامانە سروشتییەکان لەگەڵ تیمەکانی داناگاز لە هەوڵدان بۆ چارەسەرکردنی گرفتەکە و
ئاساییکردنەوەی بارودۆخەکە.