شارپرێس:

خواردنی دوو هێلکە لە ڕۆژێکدا؛ سوودێکی خۆراکییە یان مەترسییەکی تەندرووستیی شاراوە؟ لەکاتێکدا پێشتر واباو بوو کە خواردنی ڕۆژانەی هێلکە ئاستی کۆلیستڕۆڵ بەرز دەکاتەوە، بەڵام توێژینەوەیەکی نوێی زانکۆی هارڤارد دەریخستووە کە ئەمە ورد نییە و هێلکە کاریگەرییەکی پێچەوانەی هەیە.

 
شارەزایان دەڵێن هێلکە نابێتە هۆی بەرزبوونەوەی کۆلیستڕۆڵی خراپ، بەڵکو بڕی چەورییە تێرەکان لە سیستەمی خۆراکیدا مەترسییە بنەڕەتییەکەن.

لە تاقیکردنەوەیەکدا کە 48 کەسی تووشبوو بە کۆلیستڕۆڵی بەرز تێیدا بەشداربوون، دەرکەوت ئەو کەسانەی ڕۆژانە 2 هێلکەیان خواردووە، ئاستی کۆلیستڕۆڵی خراپیان دابەزیوە، بەو مەرجەی سیستەمە خۆراکەکەیان چەوریی تێری کەم بێت.

 توێژینەوەکە ئاماژە بەوە دەکات کە چەورییە زیانبەخشەکان زیاتر لە گۆشتی مانگا، بەرخ، گۆشتی دەستکرد، کەرە، پەنیر و ئایسکرێمدا هەیە، بەڵام هێلکە سەرچاوەیەکی دەوڵەمەندە بە کۆلیستڕۆڵی خۆراکی بەڵام چەوری تێری کەمە، بۆیە کاریگەریی نەرێنی لەسەر خوێن و نەخۆشییەکانی دڵ نییە.
بە کورتی، هێلکە پێکهاتەیەکی تەندرووستە و کێشەکە لەو چەورییانەدایە کە لەگەڵیدا دەخورێن.
ئاکۆ عەبدوڵڵا ئاڵی