شارپرێس:

نوری مالیکی لەپەیامێکدا رایدەگەیەنێت، بڕیارەکانیان لە بەرژەوەندی گەلی عێراق دەبێت، دەشڵێت،" دەستمان درێژە بۆ هەماهەنگی لەگەڵ وڵاتانی ناوچەکە و جیهان ".

نوری مالیکی، سەرۆکی هاوپەیمانی دەوڵەتی یاسا، لەپەیامێکدا لە تۆڕی کۆمەڵایەتی "ئێکس" ئاماژەی بەوەکرد،" بەرپرسیارێتییە نیشتیمانییەکانمان بەرامبەر گەل و نیشتیمان، ویست و بەهێزکردنی ئەزمونمان بەسەردا دەسەپێنێت بۆ راستکردنەوەی رێڕەوی پرۆسەی سیاسی ".

ئەوەشیخستەڕوو،" باوەڕمان بە عێراقێکی دیموکراسی و مەدەنی هەیە، کە بەڕوی هاوبەشی نێودەوڵەتی بەهێز کراوە بێت، لەوانەش ئەمریکا و ئەوروپا ".

ئەمەش لەکاتێکدایە، سەرباری ڤیتۆکەی سەرۆکی ئەمریکا لەسەر نوری مالیکی بۆ بون بە سەرۆک وەزیرانی عێراق، تاکو ئێستا چوارچێوەی هەماهەنگی ئامادە نییە مالیکی لە کاندیدی پۆستی سەرۆک وەزیران بکشێنێتەوە.