شارپرێس:

دوای هەڕەشەکانی دۆناڵد ترەمپ بۆ سزادان و راگرتنی هاوکارییەکانی ئەمریکا بۆ عێراق، بەڕێوەبەری کۆمپانیای سۆمۆ رتیدەکاتەوە هیچ نوسراوێکی فەرمییان لەبارەی سەپاندنی سزا بەسەر کەرتی وزە و نەوتەوە لەئەمریکاوە پێگەیشتبێت.

نزار شەتڕی، بەڕێوەبەری گشتی کۆمپانیای بەبازاڕکردنی نەوتی عێراق ( سۆمۆ ) لەلێدوانێکدا بۆ ئاژانسی هەواڵی فەرمی عێراق ئاماژەی بەوەکرد،" تاکو ئێستا هیچ نوسراوێکی فەرمیمان لەبارەی سزاکانی ئەمریکاوە پێکنەگەیشتوە و ئێمە پشت بە دێکیۆمێنت و نوسراوی فەرمی دەبەستین و مامەڵە لەگەڵ لێدوان لە کەسایەتییەکان ناکەین ".

ئەوەشیخستەڕوو، هەموو لێکتێگەیشتن و گفتوگۆکان، لەوانەش لەگەڵ وەزارەتی گەنجینەی ئەمریکا، ئاماژەن بۆ دروستی ئەو میکانیزم و بەڵگەنامە و تۆمارانەی کە لەلایەن سۆمۆوە پەسەندکراون.

بەڕێوەبەری کۆمپانیای سۆمۆ باسی لەوەشکرد، میکانیزمی توندی کۆنتڕۆڵ بەسەر سەرجەم کەشتییە نەوتهەڵگرانە دەسەپێنن، کە دەچنە ناو سنورە ئاوییەکانی عێراقەوە، رۆژانەش راپۆرت لەبارەی شێواز و شوێنی بەڕێکەوتنی ئەو کەشتییانە لەگەڵ لایەنە پەیوەندیدارەکان بەش دەکەن.

بەڕێوەبەری کۆمپانیای سۆمۆ دڵنیایی دەدات و دەڵێت، هەموو ئەم رێکارانە ئاماژەن بۆ ئەوەی شادەماری بودجەی عێراق پارێزراوە.