شارپرێس:
دوای سەرهەڵدانی گرژییەکانی نێوان ئەمریکا و ئیسرائیل و ئێران، بافڵ تاڵەبانی سەرۆکی یەکێتی نیشتیمانی کوردستان رایگەیاند، پێویستە ر‌ێکاری گونجاو بگیرێتەبەر بۆ پاراستنی سەقامگیریی عێراق.

نوسینگەی سەرۆکی یەکێتی بڵاویکردەوە، بافڵ تاڵەبانی، سەرۆکی یەکێتیی نیشتمانیی کوردستان و هادی عامری، سەرۆکی هاوپەیمانیی فەتح لە بەغداد کۆبونەوە.

ئەوەشخراوەتەڕوو، لە کۆبونەوەکەدا کە د. خالید شوانی، وەزیری دادی عیراق ئامادەیبوو، دوایین پەرەسەندنە ئەمنییەکان و هەوڵەکان بۆ رێگریکردن لە تێکچونی زیاتری دۆخی ناوچەکەیان تاوتوێ کرد.

بەپێی راگەیەنراوەکە، لە کۆبونەوەکەدا جەخت لە پێویستیی گرتنەبەری ر‌ێکاری گونجاو بۆ پاراستنی سەقامگیریی عیراق کرایەوە.