شارپرێس:

شارەزایەکی کەشناسی پێشبنینی دەکات سبەی هەینی لەبەشێکی ناوچەکانی هەرێم باران ببارێت، لە بەشێکی دیکەی ناوچەکانیش خۆرەتاو و گونجاو دەبێت بۆ گەشت و سەیران.

هەڤاڵ سدیق گەڵۆزی، شارەزای بواری کەشناسی لەلێدوانێکدا ئاماژەی بەوەکرد،" سبەی هەینی لەناوچە دەشتاییەکانی هەولێر، موسڵ، کەرکوک و گەرمیان ئاسمان ساماڵ و خۆرەتاو دەبێت و گونجاوە بۆ گەشت سەیران".

ئەوەشیخستەڕوو،" لەبەشێکی ناوچه شاخاوییەکانی دهۆک، زاخۆ، سۆران، ڕاپەڕین، سلێمانی و هەڵەبجە لە کاتەکانی نیوەڕۆ بۆ ئێوارە کەشێکی ناسەقامگیری لاواز ئەو ناوچانه دەگرێتەوەو ئەگەری چالاکبونی هەورەبروسکە و تاوەبارانی ماوە کورت هەیە ".