شارپرێس:
سەرچاوەکانی پارتی ئازادی کوردستان دەڵێن، بارەگاکانی سوپای میللیی کوردستان لە چەمشار هەڵکەوتوو لە نزیک کەمپی دارەشەکران بەر هێرشی موشەکی ئێران کەوتوون و بریندار هەن.
سەرچاوەکانی سوپای میللی کوردستان دەڵێن، کاتژمێر ٢١:٤٥ ی ئەمشەو، دەوڵەتی ئێران بە دوو درۆن و موشەکێک بارەگای چەمشاری سوپای میللیی کوردستان، هەڵکەوتوو لە باکووری ڕۆژئاوای هەولێر، نزیک کەمپی دارەشەکرانی کردە ئامانج.
دەشڵێن، بەهۆیەوە ٩ پێشمەرگە برینداربوون کە دۆخی ٤ لە بریندارەکان ناجێگیرە.