شارپرێس:

بەبۆنەی ساڵیادی دامەزراندنی یەکێتیی نیشتیمانیی کوردستان، مەکتەبی سیاسیی پارتیی پەیامێکی پیرۆزبایی ئاراستەی یەکێتی دەکات و جەخت لە زیادکردنی هەماهەنگییەکان بۆ چارەسەرکردنی پرسە چارەنوسسازەکان دەکەنەوە.

مەکتەبی سیاسیی پارتی لەپەیامەکەیدا بۆ بافڵ تاڵەبانی و بەرپرسانی یەکێتی ئاماژەی بەوەکردوە،" بە بۆنەی 51مین ساڵیادی دامەزراندنی یەكێتیی نیشتیمانیی كوردستان، پیرۆزباییەكی گەرم لە ئێوەی بەڕێز و کادیر و ئەندام و لایەنگرانی یەکێتی دەكەین و، هیوای بەردەوامیتان بۆ دەخوازین ".

ئەوەشیخستەڕوو،" لەم دەرفەتەدا، جارێكی دیكە جەخت دەكەینەوە سەر هەماهەنگی و تەبایی نێوان سەرجەم هێز و لایەنە سیاسییەكانی كوردستان بۆ چارەسەركردنی ڕاست و دروستی كێشە و پرسە هەنووكەییە چارەنووسسازەکان و، پاراستنی دەستكەوتەكانمان و بەهێزکردنی دامەزراوەکان و داکۆکیکردن لە قەوارەی دەستووری و سیاسی هەرێمی کوردستان ".