شارپرێس:

رۆژنامەیەکی عەرەبی ئاشکرای دەکات، حکومەتی عێراق بەدوای 26 کەسایەتییەوەن، کە بەتۆمەتی تێوەگلانیان لەگەندەڵی فەرمانی دەستگیرکردنیان بۆ دەرچوەو سیانیان پەرلەمانتارن.

رۆژنامەی " الشرق الأوسط " کە بارەگای سەرەکی لەشاری لەندەنی پایتەختی بەریتانیایە، لەزاری سەرچاوەیەکییەوە بڵاویکردوەتەوە،" 26 کەس لە تۆمەتبارانی گەندەڵی توانیویانە خۆیان لەهەڵمەتی دەستگیرکردنی گەندەڵکاران دەرباز بکەن و بۆ دەرەوەی وڵات هەڵبێن، کە سێ کەسیان پەرلەمانتارن ".

ئەوەشیخستەڕوو، ئەو سێ پەرلەمانتارانەی ئێستا دەستگیرکراون و ئەوانەشی هێشتا دەستگیرنەکراون، لەلایەن سەرۆکی پەرلەمان و بەبێ دەنگدان لەپەرلەمان پارێزبەندییان لێوەگیراوەتەوە، چونکە لەو کاتەدا پەرلەمان لەپشوو بوەو دەستور رێگە بە سەرۆکی پەرلەمان دەدات لەو کاتانەدا پارێزبەندی لەسەر پەرلەمانتاران هەڵبگرێت.