شارپرێس:
میدیای تورکی بڵاویکردەوە، چاوەڕان دەکرێت تاوەکو 1ـى تشرینی یەکەمی ئەمساڵ، گەریلاکانی پەکەکە کەمپ و ئەشکەوتەکانیان لە 72 خاڵ لە مەتینا، حەفتانین، زاپ، ئاڤاشین و باسیان، چۆڵ بکەن.

بەگوێرەی هەواڵێکی ڕۆژنامەی نەفەسی تورکی، سەرەتا پەکەکە زانیاری لەبارەی پێگە و کۆگاکانی چەک بە حکومەتی هەرێمی کوردستان دەدات، دواتر دەزگای هەواڵگری تورکیا (میت) لەوبارەیەوە ڕاپۆرتیک ئامادە دەکات و رادەستی ئەنجومەنی ئاسایشی نەتەوەیی تورکیای دەکات.

ئەوەشخراوەتەڕوو، نزیکەی سێ هەزار و800  ئەندامی پەکەکە کە لە18  کەمپدان، لە چەند ناوچەیەکی هەرێمی کوردستان چەکەکانیان ڕادەست دەکەن، کە بریتین لە ئامێدی و کانی ماسێ لە دهۆک، بناری قەندیل و کۆیە لە هەولێر و ڕانیە و سەیدسادق لە سلێمانی.

رۆژنامەکە باسی لەوەشکردوە، دوای ئەو هەنگاوە تورکیاش ئەو ڕادەستکردنە پشتڕاست دەکاتەوە، پاش ئەوەش ئەندامانی پەکەکە دەتوانن بگەڕێنەوە بۆ باکوری کوردستان و تورکیا.