شارپرێس:
ئەمین قاسمی بەڕێوەبەری گشتی فەرمانگەی كولتووری رۆشنبیری لە پارێزگای لوڕستان لە باشووری رۆژئاوای ئێران رایگەیاند كە لەناوچەی "ئەزنا "شوێنەوارێكی مێژووییان دۆزیوەتەوە كە دەگەڕێتەوە بۆ هەزارەی چوارەم و پێنجەمی پیش زایین .
قاسمی لەلێدوانێكیدا بۆ ئاژانسی " فارس"ی ئێرانی گوتوویەتی " ئەم شوێنەوارە لەكاتی پرۆسەیەكی بیناكاریدا لە گەرەكی كەیوان لە شارەكە دۆزراوەتەوە ، بۆیە دەستبەجێ كاركردن تێیدا راگیراوە".
قاسمی باسی لەوە كردووە كە لەو دۆزینەوەیەدا چەندین شوێنەواری هونەری وەك پەیكەری بیناسازی و ئامێر و ئامرازی بەردین و پەیكەری قوڕین و نیشانەگەلی ژماردن و پاشماوەی ئێسكی "مرۆڤ و ئاژەڵ" و ڕووتەختی بەردین و شوێنەواری مۆركردن و قاپ و قاچاخی گڵین ، كە هەموویان دەگەڕێنەوە بۆ هەزارەی چوارەم و پێنجەمی پێش زایین .
هەر لەو چوارچێوەیەدا زەهرا بەهاروەند یاریدەدەری بەشی كولتوری رۆشنبیری لە پارێزگای زەهرا دەڵێت " لەسەر بنەمای ڕووپێوی رووی دەرەوەی زەوی (المسح السگحی) و ئەو اداتایانەی لەڕێگای هەڵكۆڵینەوە وەدەست كەوتوون ، دەركەوتووە كە ئەو شوێنەوارە دۆزراوانە هی سەردەمی چاخی مسیین و بەردین و هەندێكیشیان هی سەردەمی ئیسلامین ".
وەرگێران : ئاكۆ عەبدوڵڵا ئاڵی
