شارپرێس:
سەرۆکی هەرێمی کوردستان له‌گه‌ڵ عوسمان بایدەمیر و شاندێکی یاوەری کرد كۆبوه‌وه، هەردوولا جەختیان لە گوتاری ئاشتیخوازانه‌ی گه‌لی كورد بۆ چاره‌سه‌ركردنی كێشه‌كان و لێکنزیککردنەوەی لایەنە کوردستانییەکان کردەوە.
ئەمڕۆ چوارشەممە نێچیرڤان بارزانی، سه‌رۆكی هه‌رێمی كوردستان له‌گه‌ڵ عوسمان بایده‌میر و شاندێكی یاوه‌ری كۆبوونه‌وه، بەپێی ڕاگه‌یه‌ندراوی کۆبوونەوەکە "هه‌ردوولا جه‌ختیان له خه‌باتی سیاسی و مه‌ده‌نی له گوتاری ئاشتیخوازانه‌ی گه‌لی كورد بۆ چاره‌سه‌ركردنی كێشه‌كان و به‌ده‌ستهێنانی مافه‌کانی و لێکنزیكبوونه‌وه‌ی لایه‌نه كوردستانییه‌كان كرده‌وه".
هەر لە کۆبوونەوەکەدا، بارودۆخی ناوچەکە بەگشتی، دوا پێشهات و گۆڕانکارییە سیاسییەکان، دۆخی کورد لە ناوچەکە و چارەسەرکردنی کێشەکان بە رێگەی دیالۆگ و دانووستان و رۆڵی کۆمەڵگەی نێودەوڵەتی لەوبارەیەوە گفتوگۆیان لەبارەوە کرا.
ڕ . ج