شارپرێس:
ئەنتۆنی كامۆ، خوێندكار لە زانكۆی لۆبۆرۆ لە بەریتانیا، ئامێرێكی ئەلیكترۆنی هاوشێوەی ئامێری قژ وشككەرەوە، كە گونجاوە بۆ بەكارهێنان، داهێناوەو شوێنی سەگە ڕاهێنراوەكان دەگرێتەوە و دەبێتە یارمەتیدەری نابیناكان.
خوێندكارەكە ناوی ئامێرەكەی ناوە Theia، پاش ئەوەی، كە بە ئینتەرنێتەوە دەبەسترێتەوە لەڕێگەی داواكاری دەنگەوە كارەكان جێبەجێدەكات و دەتوانێت یارمەتی نابیناكان بدات بۆ ئەوەی بگەن بەو شوێنەی، كە داوای دەكەن.
هەرچەندە ئامێرەكە لە ئێستادا هەموو تایبەتمەندییەكانی كارا نییە، بەڵام ئەم ئامێرە وەك چاوساغێك وایە بۆ نابیناكان و لە ڕێگەی داواكاری كەسەكەوەو ئەو ئۆتۆمبێلانەی، كە بە خودكار دەتوانن بڕۆن، كارەكان جێبەجێدەكات.
ئامێرەكە لەسەر چەند خۆبەخشێك تاقیكراوەتەوە، دەتوانێت بەباشی ئەركەكانی خۆی ڕابپەڕێنێت و شوێنی سەلامەت بۆ پەڕینەوەی كەسەكە هەڵبژێرێت، ئەگەر بەربەستێكیش لەڕێگە هەبێت، ئەوا كەسەكە ئاگادار دەكاتەوە بە پێی توانا ئاگاداری خۆی بێت.
كامۆی داهێنەری ئامێرەكە دەڵێت: داهێنانی ئەم ئامێرە لەپێناو خێرا پەڕینەوەی نابیناكان لە ڕێگا قەرەباڵغەكان، تەنانەت دەتوانن لەكەسانی چاوساغیش خێراتر بپەڕێنەوە بەبێ هیچ دودڵیەك و بنی هیچ مەترسییەك.
وەرگێڕان: ڕەنج ڕەسوڵ