ئەستێرەكان چی لەسەر ڕۆیشتنی مێسی دەڵێن؟

وەرزش

29/04/2021‌ 129 جار خوێندراوه‌ته‌وه

شارپرێس:
لیۆنێل مێسی ئەرجەنتینی و ئەستێرەی یانەی بەرشەلۆنە، لە جێهێشتنی یانە كەتەلۆنییەكە نزیك بووەتەوە و زۆرێك لە شیكەرەوان پێیان وایە ئەم وەرزە بەرشەلۆنە جێدەهێڵێت.

كەناڵی TV3 لێدوانی چەند ئەستێرەیەكی تۆپی پێی وەرگرتووە بۆ ئەوەی بزانن ڕایان چییە لەسەر جێهێشتنی بەرشەلۆنە لەلایەن مێسییەوە، ئینێستا و چاڤی و گواردیۆلا بۆمان دەدوێن.

ئەندریاس ئینێستای ئیسپانی و یاریزانی پێشووی یانە كەتەلۆنییەكە دەڵێت: "پێم خۆشە مێسی لە بەرشەلۆنە بمێنێتەوە، بەبێ ئەو بەرشەلۆنە بچوكترە لەوەی كە ئێستا هەیە".

چاڤی هێرناندزی ئیسپانی و یاریزانی پێشووی بەرشەلۆنە و ڕاهێنەری ئێستای سەدی قەتەریی دەڵێت: "لەم چەند ساڵەی دوایی بەپێی پێویست سود لە مێسی وەرنەگیراوە پێویستە ڕێزی زیاتر بگیرێت".

پیپ گواردیۆلای ئیسپانی و ڕاهێنەری ئێستای مانچستەر سیتی دەڵێت: "حەز دەكەم مێسی چارەنوسی وەرزشیی لەگەڵ بەرشەلۆنە تەواو بكات، ئەگەر ئەو بۆ یانەیەكی باش بگەڕێت، لە یانەكەی خۆی باشتر نادۆزێتەوە".

ڕەنج ڕەسوڵ