چی لەبارەی سوودەکانی پێکەنین بۆ تەندوروستیی مرۆڤ دەزانیت؟

هەمەڕەنگ

01/08/2021‌ 121 جار خوێندراوه‌ته‌وه

شارپرێس:

پرۆفیسۆری ئەڵمانیی ئەلێکساندەر لێرشڵ دەڵێت پێکەنین لەڕووی دەروونیی و جەستەییەوە چەندین سوودی گەورەی بۆ مرۆڤ هەیە.

 لێرشڵ کە مامۆستای بایۆلۆجی و ئاکارە لە زانکۆی یاکوبس لەشاری بریمنی ئەڵمانیا دەڵێت: پێکەنین چەکێکی کارایە بۆ بەرەنگاربوونەوەی سترێس و خەمۆکی و دڵەراوکێ، بەشێوەیەک سنوورێک بۆ دەردانی هۆڕمۆنی  خەمۆکی (ئەدرینالین) و ( کۆرتیزۆڵ) دادەنێت و یارمەتی دەردانی هۆڕمۆنی ئاسوودەیی (سیرۆتۆنین) دەدات.

پرۆفیسۆرە ئەڵمانییەکە هەروەک وتویەتی: پێکەنین وادەکات بتوانرێت بەشێوەیەکی قوڵتر هەناسە بدرێت، ئەمەش هاوکار دەبێت لە گەیاندنی ئۆکسجین بەشێوەیەکی باشتر بۆ بەشەکانی جەستە و دواجار چالاککردنی دڵ و لوولەکانی خوێنی بەدودا دێت.

جگە لەوەی پێکەنین لەڕێگای کاراکردنی "خانە تییەکانCells  T" و " Gamma Interferon "، کار لەسەر بەهێزکردنی سیستەمی بەرگری جەستە دەکات.
ئامادەکردن: ئاکۆ ئاڵی


بەپەلە