شارپرێس:
ڤۆلۆدیمیر زێلێنسکی، سەرۆکی ئۆکرانیا ڕۆژی یەکشەممە ڕایگەیاند، وڵاتەکەی پلانی بۆ هێرشی نوێ لە قوڵایی ناو ڕوسیا دادەنێت، ئەمەش دوای چەند هەفتەیەک هێرشی چڕ و پڕ کە کەرتی وزەی ڕوسیای کردە ئامانج.
بەگوێرەی ئاژانسی ڕۆیتەرز، زێلێنسکی دوای کۆبوونەوەی لەگەڵ ئۆلێکساندر سیرسکی، فەرماندەی سوپای وڵاتەکەی ڕایگەیاند، بەردەوام دەبین لە ئۆپەراسیۆنە چالاکەکانمان بەو شێوەیەی کە زۆر پێویستە بۆ بەرگریکردن لە ئۆکرانیا. هێز و سەرچاوەکان ئامادەن.
دەشڵێت، هێرشی نوێ لە قووڵایی ڕوسیا پلانی بۆ دانراوە".
ئەم مشتومڕە دوای کۆبوونەوەی لوتکەی دوو قۆڵی ترەمپ و پوتین دێت لە ئالاسکا لە ناوەڕاستی مانگی ئابدا، بەڵام تائێستا ئەنجامێکی بۆ ڕاگرتنی شەڕ لێ دەرنەکەوتووە.
ئ.ه