شارپرێس:
سەرۆکی ئەمریکا ڕایگەیاند، کۆبونەوەکەیان لەگەڵ چین زۆر بەباشی بەڕێوەچوەو پەیوەندییەکەیان زۆر بە بەهێزی دەمێنێتەوە.
دۆناڵد ترەمپ، سەرۆکی ئەمەریکا لەتۆڕی کۆمەڵایەتیی (تروس) نوسیویەتی،" کۆبونەوەى بازرگانی لەنێوان ئەمریکاو چین لەئەوروپا زۆر بەباشی بەڕێوەچوو".
نوسیویەتی،" ڕۆژی هەینی داهاتوو 19ـی ئەیلولی 2025، بە تەلەفۆن قسە لەگەڵ شی جین پینگ، سەرۆکی چین دەکەم؛ جەختیشی کردوەتەوە، كەپەیوەندییە چین و ئەمریکا زۆر بە بەهێزی دەمێنێتەوە".
لەكاتێكدا، سکۆت بێسنت، وەزیری گەنجینەی ئەمریکا دوای کۆبونەوەی نێوان هەردوولا لەمەدرید ڕایگەیاند، ئەمریکا و چین گەیشتونەتە چوارچێوەیەک بۆ ڕێککەوتن لەسەر یەکلایکردنەوەی ناکۆکییەکانیان لەبارەی خاوەن دارییەتی تیک تۆک.