شارپرێس:
عهبدوڵڵا ئۆجهلان ڕێبهرى پارتى كرێكارانى كوردستان زانیارییهكى گرنگ لهبارهى شهڕێكى نوێ لهناوچهكهدا ئاشكرادهكاتو ڕایدهگهیهنێت، "لەقۆناغی داهاتودا، بەرپرسیارێتیی سەرەکیمان ئەوەیە کە ڕێگە لەشەڕێکی نوێ بگرین کە لەوانەیە لەماوەیەکی کورتدا سەرهەڵبداتو بەر لەدەرئەنجامە قەرەبونەکراوەکانی بگرین"، دهشڵێت، "ڕێککەوتننامەی 10ی ئادارى نێوان هەسەدەو ئیدارەی نوێی سوریا مۆدێلی سیاسیی دیموکراتی خۆبەڕێوەبردنی پێکەوەیی گەلانی سوریایە"، داواشدهكات، "پێویسته توركیا ڕۆڵى ئهرێنى لهوبارهیهوه بگێڕێت".
عهبدوڵڵا ئۆجەلان لهپهیامێكدا كه تایبهته بهسەری ساڵى نوێ، دهڵێت "ڕێککەوتننامەی 10ی ئادار دەبێتە هۆی بەرەوپێشتبردنی پڕۆسەی ئاشتیو داوا لەتورکیا دەکهم ڕۆڵی بونیادنەرانە بگێڕێت بۆ جێبەجێکردنی ڕێککەوتننامەکە".
لهو پهیامهدا ئۆجهلان نوسیویهتى، "لەکاتێکدا پێ دەنێینە ساڵێکی نوێوە، ناچارین جارێکی دیكه ئەوەمان بیربێتەوە کە چۆن ناسیۆنالیزم، لەسەدەی ڕابردودا شانبەشانی هێرشە ئیمپریالیستییەکان گەشەیکرد، ڕۆژهەڵاتی ناوەڕاستی ڕوبەڕوی پێکدادانی قووڵ، وێرانکارییو لێکترازانی کۆمەڵایەتی کردەوە، هەموو ئەو تائیفەگەریو ناسیۆنالیزمە نەتەوەییانەی ئەمڕۆ لەناوچەکەدا هەن، ڕەگیان لەم مێژوە نزیکو پڕ لەئازارەوە سەرچاوە دەگرێت، بەداخەوە، ستراتیژی سیستەمی هەژمونگەرا (پەرتکەو زاڵبە) بەشێوازی جیاواز بەردەوامە".
ئۆجهلان ئهوهشى ڕونكردوهتهوه، "لەبەر ئەم هۆکارەشە، ئەو دیدگایەی ئێمە بۆ ئاشتیو کۆمەڵگەی دیموکراتیک، سەرەڕای هەموو زەحمەتییەکان، پەرەمان پێداوە، تەنها بژاردەیەک نییە، بەڵکو وەک پێویستییەکی مێژویی لەبەردەمماندایە، ئەگەر بەدروستیو بە تێگەیشتنەوە هەڵبسەنگێنرێت، ئەم دیدگایە چارەسەرێکە کە دەتوانێت ڕێگە لەپێکدادانی نوێ بگرێتو ژیانێکی هاوبەش، یەکسانو ئازادی گەلان مسۆگەربکات، لەقۆناغی داهاتودا، بەرپرسیارێتیی سەرەکیمان ئەوەیە کە ڕێگە لەشەڕێکی نوێ بگرین کە لەوانەیە لەماوەیەکی کورتدا سەرهەڵبداتو بەر لەدەرئەنجامە قەرەبونەکراوەکانی بگرین".
لهبهشێكى دیكهى پهیامهكهیدا عهبدوڵڵا ئۆجهلان نوسیویهتى، "قەیرانه قووڵو پێکدادانە سیاسییەکانی ڕۆژهەڵاتی ناوەڕاست، دەرئەنجامی حەتمیی گیرخواردنو بەردەوامنەبونی ئەو تێڕوانینە ستەمکارو دەسەڵاتخوازو دەوڵەتسالارانەی شارستانیەتە کە هەزاران ساڵە بەردەوامە، کێشەی کوردیش، کە لەدڵی ئەم قەیرانانەدایە، تەنها بەئاشتیی کۆمەڵایەتیو ڕێککەوتنی دیموکراتییانە چارەسەردەکرێت، کێشەکە بەڕێگەی پێکدادان، شەڕ، ڕێبازی سەربازییو ئەمنی چارەسەرناکرێت؛ بەڵکو دەبێت لەسەر بنەمایەکی دیموکراتییانە مامەڵەی لەگەڵ بکرێت کە ئیرادەی گەلان بەبنەما وەربگرێت".
بهبیرى هێناوهتهوه، "نابێت لەبیرمان بچێت کە تا ژن ئازاد نەبێت، کۆمەڵگە ئازاد نابێت، تا بیرکردنەوەی پیاوسالاری نەسڕێتەوە، کولتوری شەڕ کۆتایی نایەتو ئاشتی بەردەوامنابێت، هەربۆیە من ئازادیی ژن وەک بنەمای دامەزرێنەرو وازلێهەڵنەگیراوی کۆمەڵگەی دیموکراتیک دەبینم".
سهبارهت بهسوریا-ش، ئۆجهلان ئاماژهى بهوهداوه، "ئەو دۆخە پشێوییەی لەسوریا دروستبوە، ڕەنگدانەوەیەکی ئاشکرای پێویستیی دیموکراتیزەکردنە، ئەو تێڕوانینەی حوکمڕانی کە ساڵانێکی زۆر لەسەر بنەمای تاکڕەهەندی، سەرکوتکارییو نکۆڵیکردنی ناسنامەکان بوو؛ داواکاریی کورد، عەرەب، عەلەویو هەموو گەلانی بۆ ئازادیو یەکسانی بەهێزترکردوە، ئەو داواکارییە سەرەکییەی کە لەچوارچێوەی ڕێککەوتننامەی 10ی ئاداردا لەنێوان هەسەدەو حکومەتی شامدا هاتوەتە ئاراوە، بریتییە لەمۆدێلێکی سیاسیی دیموکراتی کە تێیدا گەلان بتوانن پێکەوە خۆیان بەڕێوەببەن، ئەم تێڕوانینە، زەمینەیەکی تێکەڵبونی دیموکراتییانە لەخۆدەگرێت کە دەکرێت لەگەڵ پێکهاتەی ناوەندیدا گفتوگۆی لەسەربکرێت، جێبەجێکردنی ڕێککەوتننامەی 10ی ئادار پرۆسەکە ئاسانترو خێراتر دەکات".
ههر لهپهیامهكهیدا ئۆجهلان باسى ڕهوشى سوریاو ڕۆڵى توركیا دهكاتو ڕایدهگهیهنێت، "زۆر گرنگە تورکیا لەم پرۆسەیەدا ڕۆڵێکی ئاسانکار، بونیادنەرو کراوە بۆ دیالۆگ ببینێت، ئەمە هەم لەڕوی ئاشتیی هەرێمییەوەو هەم لەڕوی بەهێزکردنی ئاشتیی ناوخۆیی خۆیەوە، گرنگییەکی چارەنوسسازی هەیە".
زیاتر لهوبارهیهوه دهڵێت، "مێژوی هاوچەرخی ڕۆژهەڵاتی ناوەڕاست، تاڕادەیەکی زۆر مێژوی شۆڕشە نەرێنییەکانە، شەڕ، زۆرداری، نکۆڵیکردنو وێرانکاریی، لەبەرامبەر ئەمەدا، ئەوەی ئێمە پێشنیازی دەکەین شۆڕشی ئەرێنییە، واتە، دوبارە بونیادنانەوەی کۆمەڵگە بەڕێبازی دیموکراتی، ئاشتییانەو ئاکاری سیاسیی، ئەو ئاشتییەی کە ئێمە بەپێداگرییەوە بەرگریی لێدەکەین، دەبێت سەرەتایەکی نوێ بێت، نەک دەرئەنجامێک، ئەو خەباتەی کە لەچوارچێوەی ئاشتیدا بۆ ماف، یاساو دیموکراتیزەکردن دەکرێت، (ڕق، دژایەتیو توڕەیی) لەناو دەباتو دەرگا بەڕوی ژیانێکی نوێ بۆ هەموان دەکاتەوە".
ئهوهشى وتوه، "بەو تێگەیشتنەوە، هیوادارم ساڵی نوێ بکەینە ساڵی ڕێککەوتنی دیموکراتی، ئاشتیو ئیرادەی بونیادنانی داهاتوی هاوبەشی گەلان، نەک ساڵی شەڕ، وێرانکارییو لێکترازان، هیوادارم ساڵی نوێ لەتورکیا، ڕۆژهەڵاتی ناوەڕاستو جیهاندا دەرگایەک بەڕوی ئاشتی، ئازادیو داهاتویەکی دیموکراتیدا بکاتەوە؛ پیرۆزبایی ساڵی نوێ لەهەموو دۆستان، بەتایبەتی گەلانی تێکۆشەر دەکەم، هیوادارم ساڵی نوێ ئاشتیو ژیانێکی شکۆمەندانە بۆ هەموو گەلان بهێنێتو خۆشەویستیو سڵاوی خۆمتان پێڕادەگەیەنم".
