شارپرێس:
دڵ یەکێکە لە گرنگترین ئەندامەکان کە بێ وەستان کار دەکات، بەڵام زۆرجار نیشانە سەرەتاییەکانی لاوازبوونی فەرامۆش دەکرێن.

دکتۆر سوکریتی بەهالا، پسپۆڕی نەخۆشییەکانی دڵ لە نەخۆشخانەی ئەکاش لە هیندستان، ئاماژە بە 7 نیشانەی سەرەکیی دەکات کە نابێت وەک ئاماژەی ئاسایی سەیر بکرێن:

 تەنگەنەفەسی: هەستکردن بە گرانی هەناسەدان لەکاتی ڕۆیشتن یان سەرکەوتن بە پەیژەدا، کە نیشانەی کۆبوونەوەی شلە لە سییەکاندا.

ماندوێتیی بەردەوام: هەستکردن بە بێهێزیی تەنانەت دوای پشوودانیش، چونکە دڵ ناتوانێت خوێنی پێویست بۆ ماسولکەکان بنێرێت.

ئاوسانی پەلەکان: کۆبوونەوەی شلە لە قاچ و پاژنەی پێیەکاندا بەهۆی خاوبوونەوەی سووڕی خوێن.

ناڕێکی لێدانی دڵ: خێرا لێدان یان دڵەکوتێ وەک هەوڵێکی دڵ بۆ قەرەبووکردنەوەی لاوازییەکەی.

ئازاری سنگ: هەستکردن بە پەستان یان قورسی لە سنگدا، بەتایبەت لەکاتی کارکردن یان فشاری دەروونی.

گێژخواردن: نیشانەیەک بۆ کەمبوونی گەیشتنی خوێن بۆ مێشک کە ڕەنگە ببێتە هۆی بووراندنەوە.

 کەمبوونەوەی توانای جەستەیی: ئەنجامدانی کارە ناوماڵییە ئاساییەکان کە پێشتر ئاسان بوون، ئێستا دەبنە مایەی ماندوێتییەکی زۆر.

ناسینەوەی ئەم نیشانانە لە کاتی خۆیدا نەک هەر ڕێگری لە ئاڵۆزییەکان و لێکەوتە تەندروستییە مەترسیدارەکان دەکات، بەڵکو دەبێتە هۆی ڕزگارکردنی ژیانی مرۆڤ.