شارپرێس:
مەسرور بارزانی رایگەیاند، سەرەڕای ئەوەی کێڵگەکانی نەوت و گاز و پاڵاوگەکان ڕوبەڕوی هێرش و پەلاماری هێزە لەیاسا دەرچوەکان بونەتەوە ، بەڵام حکومەت هەموو هەوڵێکی داوە چارەسەری کێشەی کارەبا بکات.

مەسرور بارزانی، سەرۆکی حکومەتی هەرێمی کوردستان لەڕاگەیەنراوێکدا ئاماژەی بەوەکرد،" پاشنیوەڕۆی ئەمڕۆ سەردانی باڵاخانەی پارێزگەی هەولێرمان کرد و لەگەڵ (ژوری ئۆپەراسیۆن بۆ بەڕێوەبردنی قەیران و کارەسات)ی سنوری پارێزگەی هەولێر کۆبوینەوە ".

ئەوەشیخستەڕوو، بەرپرسانم ڕاسپارد کە ڕۆڵی بەرپرسانەی خۆیان بگێڕن و نەهێڵن هیچ کێشە و گرفتێکی خزمەتگوزاری دروست ببێت.

مەسرور بارزانی وتیشی،" دوپاتمان کردەوە کە سەرەڕای ئەوەی کێڵگەکانی نەوت و گاز و پاڵاوگەکان ڕوبەڕوی هێرش و پەلاماری هێزە لەیاسا دەرچووەکان بوونەتەوە ، بەڵام حکومەت هەموو هەوڵێکی داوە چارەسەری کێشەی کارەبا بکات ".