شارپرێس:

نوسینگەی راگەیاندنی رێبوار تەها ڕونکردنەوەیەک لەبارەی کەمکردنەوەی دەسەڵاتەکانی جێگری یەکەمی پارێزگاری کەرکوک، لەلایەن محەمەد سەمعانەوە بڵاودەکاتەوە.


نوسینگەی راگەیاندنی رێبوار تەها لەڕونکردنەوەیەکدا ئاماژەی بەوەکرد،" ئەو نوسراوەی سەبارەت بە دەسەڵاتەکانی نێوان پارێزگار و هەردوو جێگرەکەی بڵاوکراوەتەوە، لە بنەڕەتدا ئەو دەسەڵاتانە لای پارێزگارن و سەرپشکە لەوەی لای خۆی بیهێڵێتەوە یان بیدات بە جێگرانی ".

ئەوەشیخستەڕوو،" پێشتر بەڕێز رێبوار تەها ئەو دەسەڵاتانەی بە جێگرەکانی دابوو، پارێزگاری ئێستا هەموو دەسەڵاتەکانی گەڕاندوەتەوە لای خۆی و لە رۆژانی داهاتوودا لەگەڵ هەردوو جێگرەکەی کۆدەبنەوە و سەرلەنوێ دەسەڵاتەکان دابەش دەکەنەوە ".