شارپرێس:
لەپێناو رێگریکردن لە بڵاوبونەوەی ڤایرۆسی هاتنا، وەزارەتی تەندروستی هەرێم کۆمەڵێک بڕیاری دەرکرد، یەکێکیان بریتییە لەقەدەغەکردنی هاوردەکردنی هامستەری جوانی.

وەزارەتی تەندروستی لەڕاگەیەنراوێکدا ئاماژەی بەوەکرد،" لیژنەی زانستی بەرێوبەرایەتی گشتی سامانی ئاژەڵ و ڤێتێرنەری یەکەم کۆبونەوەی خۆی ئەنجامدا سەبارەت بە بڵاوبوونەوەی ڤایرۆسی هانتا و کۆمەڵێک بڕیار و رێنمایی دەرکرد، کە بریتین لەمانە:

1-ڤایرۆسی هانتا بەهۆی جرج و مشک هامستەر دەگوازرێتەوە بۆ مرۆڤ، ڕێژەی مردن دەگاتە ٥٠٪ بەهۆی نەخۆشی HPS، بۆ پاراستنی گشتی ئەم خاڵانەی خوارەوە جەختی لەسەر کرایەوە:

2- هەڵمەتی قڕکردنی جرج و مشک دەستپێبکات لە هەموو فەرمانگە حکومی و ناحکومییەکان و ئەو شوێنانەی جرج و مشکیان لێیە.پێویستە ماددەی لەناوبردنی قڕکەرەکان دابنرێت لە کارگەکانی ئالیکی پەلەوەر ، پڕۆژەکانی پەلەوەر ، کوشتارگەکان.

 کارگەکانی بەرهەمهێنانی شیر و بەرهەمەکانی ،کارگەکانی ئامادەکردنی گۆشت ، دوکانی قەسابەکان.

3-  ڕێگانەدان لە خاڵە سنوورییەکان بە هاتنە ژوورەوەی هامستەری جوانی (قرتێنەرەکان).

4-  بەهاوکاری سەندیکاکانی ڤێتێرنەری، کۆگاکانی خواردنی سەگ و پشیلە ئاگادار بکرێتەوە بە لەناوبردنی جرج و مشک لە کۆگاکان.

 ئەم نەخۆشییە لە نێوان ساڵانی 1950 تا 1953 بڵاوبوەتەوە لە جیهاندا و لە ساڵی 1978 لە وڵاتی کۆریای باشور جیاکراوە و دەستنیشانکراوە، تاکو ئێستا ڤاکسینی بۆ ئەم نەخۆشییە نەدۆزراوەتەوە.