شارپرێس:

لەناو یەکێک لەکارگەکانی ناوچەی "رەئسلەفانی پیشەسازی" لەباکوری شاری دەوحە لەقەتەڕ، تەقینەوەیەک ڕویدا و تا ئێستا هۆکارەکەی ئاشکرانەکراوە.

وزارەتی ناوخۆی قەتەڕ لەڕاگەیەنراوێکدا دەڵێت، تەقینەوەکە لەناو یەکێک لەکارگەکانی ناوچەی "رەئسلەفانی پیشەسازی" بوەو هیچ زیانێکی گیانی تۆمار نەکراوە.

ئەوەشیخستەڕوو، لەئێستادا تیمەکانی بەرگری شارستانی و هێزە ئەمنییەکان گەیشتونەتە شوێنی تەقینەوەکە سەرقاڵی کۆنتڕۆڵکردنەوەی دۆخەکەن.

"رەئسلەفانی پیشەسازی" یەکێکە لە گەورەترین ناوچەکانی بەرهەمهێنان غاز لەناوچەکە، کە لە هەفتەی یەکەمی شەڕی نێوان ئەمریکا و ئێران بەهۆی مەترسییە ئەمنییەکان بەرهەمهێنان تێیدا راگیرا.