شارپرێس:
شاسوار عەبدولواحید سەرۆكی جوڵانەوەی نەوەی نوێ لە كۆنگرەیەكی رۆژنامەنووسیدا رایگەیاند، دوو سبەی رێككەوتنیان لەگەڵ یەكێتی و پێكهێنانی هاوپەیمانێتییەكەیان رادەگەیەنن و گۆڕینی هاوسەنگی هێز دەستپێدەكات.
شاسوار عەبدولواحید لەكۆنگرەیەكی رۆژنامەنووسیدا رایگەیاند، رۆژی پێنج شەممە باڵانسی هێز لە كوردستان دەگۆڕدرێت و هاوپەیمانی نەوەی نوێ و یەكێتی رادەگەیەندرێت.
ئەوەشی خستەڕوو، چاوەڕوانی گۆڕانكاری گەورە بن.
شاسوار عەبدولواحید لەبارەی مووچەوە وتی "لەگەڵ عەلی زەیدی سەرۆك وەزیران باسی مووچەی فەرمانبەرانی هەرێمی كوردستانمان كردووە و زەیدی پێیوتم مووچەخۆرانی هەرێم وەك مووچەخۆرانی عێراقن و لەبەغدا مووچە بدرێت لە هەرێمیش دەدرێت". وتیشی "نابێت ئەو پەیوەندییەی لەگەڵ بەغدا دروستبووە تێكبدرێت".