شارپرێس:
عەبدولناسر هیممەتی، پارێزگاری بانکی ناوەندیی ئێران ئاشکرایکرد, وڵاتەکەی هەوڵە دیپلۆماسی و داراییەکانی بۆ وەرگرتنەوەی شایستە داراییەکانی لە عێراق دەستپێکردوە، کە بڕەکەی لە نێوان 10 بۆ 11 ملیار دۆلاردایە.

هیممەتی ئاماژەی بەوەکردوە کە ئەم بابەتە لە کارە لەپێشینەکانی ئێراندایە و لەگەڵ پارێزگاری بانکی ناوەندیی عێراق، کە یاوەری سەرۆک وەزیران عەلی زەیدی دەکات لە سەردانەکەیدا بۆ تاران، گفتوگۆی چڕیان ئەنجامداوە.

بەپێی زانیارییەکان، نزیکەی 7 ملیار دۆلار لەو پارانە هی بانکی ناوەندیی و زیاتر لە 3 ملیار دۆلاریشی هی وەزارەتی نەوتی ئێرانە. هەردوولا ڕێککەوتون لەسەر ئەنجامدانی کۆبونەوەی ورد بۆ دۆزینەوەی میکانیزمێک تاوەکو ئێران بتوانێت ئەو پارانە بۆ کڕینی کاڵا سەرەکییەکان و ئەنجامدانی گواستنەوە داراییەکان بەکاربهێنێت، چونکە پێشتر بەهۆی کۆتوبەندەکانەوە سودوەرگرتن لێیان سنوردار بوەو ئێرانیش دەیەوێت ئەم بەربەستانە تێپەڕێنێت.

ئاکۆ عەبدوڵڵا ئاڵی