شارپرێس:
وەزارەتی دارایی و ئابوری حکومەتی هەرێم ڕایگەیاند، موچەی مانگی ئاب و تەرازوی پێداچونەوەی خەرجی و داهاتی مانگی تەموزی ڕادەستی وەزارەتی دارایی فیدراڵ کرد.
وەزارەتی دارایی و ئابوریی حکومەتی هەرێم بڵاویکردەوە، تیمی تەکنیکی بەفەرمی لیستی موچەی فەرمانبەران و موچەخۆرانی هەرێمی کوردستانی بۆ مانگی ئابى، ڕادەستی فەرمانگەی ژمێریاری لەوەزارەتی دارایی حکومەتی عێراق کرد.
ئاماژەی بەوەشکرد، لەگەڵ لیستەکەدا ڕاپۆرتی تەرازوی پێداچونەوەی دارایی تایبەت، بەخەرجی و داهاتەکانی مانگی تەموزی 2026، پێشکەش بەلایەنی پەیوەندیدار لەوەزارەتی دارایی عێراق کراوە، ئەمەش بەئامانجی وردبینیکردن و خێراکردنی پڕۆسەی دابینکردنی شایستە داراییەکان و موچەی موچەخۆرانی هەرێمی کوردستان.