شارپرێس:
ڕۆژی دووشەممە كەشتییەك لە كاتی تێپەڕاندنی گەرووی هورمزدا بەدوو موشەك لێیدراو دوو ئەندامی تیمەكەی بریندار بوون.
دەستەی گەشتە بازرگانییە دەریاییەكانی بەریتانیا بە پشتبەستن بە سەرچاوە سەربازییەكان ڕایگەیاندووە، بریندارەكان برینەكانیان سووكە و كەشتییەكە گەشتەكەی دووبارە دەستپێكردووەتەوە.
ئاماژەی بەوەشكردووە، تا كاتی ئاگاداركردنەوەكە ڕووداوەكە هیچ كاریگەرییەكی لەسەر ژینگە نەبووە، هەروەها دەسەڵاتداران بەردەوامن لە لێكۆڵینەوە لە ڕووداوەكە.
هەروەها داوای لە كەشتییەكان كردووە لەكاتی تێپەڕاندنی گەرووی هورمزدا وریا بن و هەر چالاكییەكی گوماناویش تۆمار بكەن، بەڵام كەشتییەكە لایەنی بەرپرسیاری لە هێرشەكە دەستنیشان نەكردووە.