شارپرێس:

وتەبێژی یەکێتی رایگەیاند، یەکێتی پابەندە هاوپەیمانێتییەکەی لەگەڵ نەوەی نوێ، دەشڵێت، هەندێک دەیانەوێت کێشە و گرفت بۆ هاوپەیمانێتییکەمان دروست بکەن، بەڵام ئێمە متمانەمان بە خۆمان و شاسوار عەبدولواحید سەرۆکی جوڵانەوەی نەوەی نوێ هەیە.

کاروان گەزنەیی، وتەبێژی یەکێتی نیشتیمانی کوردستان لەکۆنگرەیەکی رۆژنامەوانیدا ئاماژەی بەوەکرد،" کۆبونەوەی ئەرێنی هەبوە لەنێوان قوباد تاڵەبانی و مەسرور بارزانی کراوە، بەڵام بەهیچ جۆرێک رێککەوتن نەکراوە و باسی هیچ پۆستێک لەبارەی حکومەتی داهاتوو نەکراوە ".

ئەوەشیخستەڕوو،" یەکێتی سورە لەسەر بەڵێنەکانی کە لەبانگەشەی هەڵبژاردن و کۆبونەوە و لێدوانەکان بە خەڵکی کوردستانمان داوە لەوەی دەمانەوێت هاوسەنگی هێز بگێڕینەوە، کە گەڕاندومانەتەوە، دەرگای گفتوگۆشمان کراوەیە ".

لەبارەی رێککەوتنی یەکێتی و نەوەی نوێ، کاروان گەزنەیی وتیشی،" رێککەوتنمان کردوەو جێبەجێی دەکەین ".